| e-texts navigator |
| Wylie |
7a1 དག། ཅེས་གྲགས་སོ།། དེ་ནས་སྙིང་པོ་ཡི་གེ་དེ་ཉིད་འཕྲོས་འདུས་པ་ལས། ཐུགས་ཀྱི་མཚན་མ་པདྨ་འདབ་མ་བརྒྱད་པ་ལྟ་བུར་གནས་པར་གྱུར་ཏོ།། དེའི་ཚེ་པདྨ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས
7a2 གྲགས་སོ།། ཨེ་མའོ་གསུང་མཆོག་ཀུན་གྱི་བདག། ཆགས་མེད་སྐྱོན་གྱིས་གོས་པ་མེད།། དྲི་མེད་པདྨ་རཱ་གའི་མདོག། ཆོས་ཀྱི་ཐུགས་ནི་བརྟན་པའོ།། ཞེས་གྲགས་སོ།། དེ་ནས་ཐུགས་ཀྱི་མཚན་མ་དེ་ཉིད་འཕྲོ་བ་དང
7a3 འདུ་བ་ལས། ཆོས་ཀྱི་སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས་སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་།། ཨེ་མའོ་ང་ནི་རང་བྱུང་སྟེ། པདྨ་ཆོས་ཀྱི་མཚན་མ
7a4 ཡིན།། ཐམས་ཅད་ཆགས་མེད་སྐྱོན་དང་བྲལ།། ཆོས་ཀྱི་ཕྱག་རྒྱ་བརྟན་པ་ཡིན།། ཞེས་གསུངས་ཏེ། ཨ། ཞེས་བརྗོད་ཅིང་རྒྱབ་ཕྱོགས་སུ་བཞུགས་སོ།། དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས་རྡོ་རྗེ
7a5 གྲོ་བ་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དམ་ཚིག་གི་གསང་བའི་སྙིང་པོ་འདི་ཕྱུང་ངོ་།། ཧཱ་པྲཛྙཱ་དྷྲྀ་ཀ། འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས
7a6 ཅད་ཕྲག་དོག་གི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི་སྒྲ་སྐད་འདི་སྐད་ཅེས་གྲགས་སོ།། ཨེ་མའོ་སངས་རྒྱས་ཐམས་ཅད་ཀྱི།། དམ་ཚིག་གསུང་འདི་མཐར་ཕྱིན་པས།། དོན་ཀུན་མ་ལུས་ཀུན་གྲུབ
iiif viewer powered by OpenSeadragon
