| e-texts navigator |
| Wylie |
77a1 འདི།། བཞག་པས་ལུས་ལ་ཡང་ཡོད་མེད་ལ།། བཙལ་བས་ཟབ་མོ་ག་ལ་རྙེད།། དབྱིངས་ཀྱི་རང་བཞིན་སྟོང་ཉིད་དམ་པ་ཡིན།། རིགས་ཀྱི་ཁྱད་པར་དུ་སྣང་ཡང་།། དེ་དག་བྱིས་པའི་སྤྱོད་ཡུལ་སྣང་བ
77a2 ནི།། རྣམ་ཤེས་རྡོ་རྗེ་སེམས་དཔའ་གཙོ།། ཚོར་བ་རིན་ཆེན་འབྱུང་ལྡན་དང་།། འདུ་ཤེས་སྣང་བ་མཐའ་ཡས་ཡུལ།། འདུ་བྱེད་དོན་གྲུབ་གདོན་མི་ཟ།། གཟུགས་ནི་རྣམ་པར་སྣང་མཛད་དེ།། རིགས་དང་ཞི་ཁྲོ་སྤྲུལ་པ
77a3 ཀུན།། ཆོས་སྐུ་རོ་གཅིག་མཁས་པས་འགྲོ་དོན་བསྟན་པ་མཉམ།། དམིགས་མེད་བྱིས་པ་མི་མཁས་པས།། ཆོས་དང་ཆོས་མ་ཡིན་པར་མཐོང་།། སྟོང་ཉིད་མཉམ་པ་ཆེན་པོ་ལ།། རྒྱལ་བ་རིགས་ལྔར་རྟོག་པ
77a4 འཁྲུལ།། ཆོས་ཉིད་ལ་ནི་རྣམ་རྟོག་མེད།། དེ་ཕྱིར་དེ་དག་འཁྲུལ་པ་ཡིན།། ཐབས་ཀྱི་སོ་སོར་བཤད་པའང་དོན་གཅིག་ལ།། དབྱིངས་རྟོག་ལེན་སྤང་སྒྲིབ་པ་མུ་མཐའ་མེད།། རྟོགས་པས་སངས་རྒྱས་ཏིང་འཛིན་དགེ
77a5 རྩ་འཕགས།། བློ་དང་ནམ་ལྡན་ཞི་བ་སེམས་ཀྱི་ངང་།། དམ་པ་དེ་ནི་མངོན་དུ་འགྱུར་བ་ན།། ཆོས་སྐུ་དྲི་མེད་ནམ་མཁའ་འདྲ།། དེ་ལ་སྐུ་གསུམ་མཆོག་ཏུ་གྱུར་པའི་ཆོས་དབྱིངས་སུ།། རྡོ་རྗེ་རྩེ་མོ་མཆོག་ཉིད་འདུས་མ
77a6 བྱས།། མི་རྟོག་ཡེ་ཤེས་ཆོས་དབྱིངས་དེ་ཡང་དེ་ཉིད་དོ།། དེ་ལ་གང་རྟོག་ཡང་དག་མཐོང་།། ཞི་བ་རྣམ་དག་ཉིད་ལས་ཡོན་ཏན་མ་ལུས་འབྱུང་།། ཇི་སྙེད་རྣམ་གྲོལ་ཆོས་སུ་དག་པ་རྣམས།། དེ་བཞིན་གཤེགས་པ་དེ
iiif viewer powered by OpenSeadragon
