| e-texts navigator |
| Wylie |
76b1 པས་ཐམས་ཅད་སྣང་བ་བཞིན།། ཤེས་རབ་ཐུགས་རྗེ་ངང་གི་འཆར།། རྣལ་འབྱོར་ཆོས་ཉིད་དག་གྱུར་ན།། ཐུགས་རྗེའི་བྱིན་རླབས་བཙལ་མི་དགོས།། གཉིས་མེད་རྣམ་དག་ཆོས་ཀྱི་སྐུ།། བདག་མེད་ཞི་བས་སྣང
76b2 བའི་ཕྱིར།། བདག་ཏུ་སྣང་བ་ཉིད་ཀྱི་སྐུ།། མི་འགྱུར་ནམ་མཁའ་ལྟ་བུ་དག། ཚུལ་དང་མཐུན་པའི་ངོ་བོ་བཞི།། ངང་ཉིད་ཞི་བ་རྟོགས་པའི་ཕྱིར།། ཚུལ་ཁྲིམས་ལ་སོགས་ཕ་རོལ་ཕྱིན་ལམ་བཅུ།། སྤྱོད་པ་མཐའ་དག་རྒྱ
76b3 མཚོའི་གཞིར་གྱུར་པ།། ཡང་དག་ལྟ་བས་མ་ཟིན་ན།། དེ་དག་བྱང་ཆུབ་གེགས་སུ་གྱུར།། སེམས་ཀྱི་བྱང་ཆུབ་རྣམ་དག་ཀྱང་།། ཆོས་ཚུལ་ཡོན་ཏན་ཁྱད་པར་ནི།། མ་ནོར་བསྒོམ་པའི་མངོན་འགྱུར་རོ།། ཞེས་གསུངས
76b4 སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། མཚན་མ་མེད་པའི་ལེའུ་སྟེ་སུམ་ཅུ་གཉིས་པའོ།། །། དེས་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད
76b5 ཅེས་གསོལ་ཏེ།། སེམས་དཔའ་ཆེན་པོ། རྣམ་རྟོག་ཞི་བར་བྱ་བའི་དོན་གང་ལགས། སེམས་དཔའ་དམ་པས་བཀའ་སྩལ་པ།། ཆོས་ཉིད་དོན་ཉིད་རང་བཞིན་ལ།། རྡོ་རྗེ་གསུམ་བསྒོམ་མ་རྟོགས་པ།། གྲུབ་པར་བྱ་བའི
76b6 དངོས་གྲུབ་གཞན་མི་འཚོལ།། གནས་དང་མེད་པ་ལ་ནི་གང་རྟོགས་པ།། དེ་དག་ཆོས་ཉིད་ལ་ཡང་གང་རྟོགས་པ།། གནས་དང་གནས་མིན་འགལ་བར་མ་བསམས་ན།། ཡང་དག་མི་དམིགས་ཟབ་མོ
iiif viewer powered by OpenSeadragon
