| e-texts navigator |
| Wylie |
74b1 ལས་ཉམས་ཤིང་དེ་དག་འཁྱམས།། ཇི་ལྟར་སྤྲིན་གྱི་ཕུང་པོ་ཡིས།། ཉི་མའི་འོད་མཆོག་བསྒྲིབས་པ་ལྟར།། མི་ཤེས་བྱིས་པ་རྨོངས་པ་ཡིས།། ཡང་དག་དཀྱིལ་འཁོར་དམ་པ་བསྒྲིབས།། སྤྲིན་གྱི་ཆར་པ་རོ་གཅིག
74b2 ལྟར།། སྐལ་པ་གསུམ་ཡང་ཆོས་ཉིད་རོ།། སེམས་ཅན་ཐམས་ཅད་མངོན་རྫོགས་ཏེ།། སེམས་ཅན་སྡུག་བསྔལ་རྣམ་དག་ཡིན།། རྣམ་དག་ཤིན་ཏུ་མཐོང་བར་བྱ་བའི་ཕྱིར།། དེ་ནི་མཉམ་ཉིད་ཡང་དག་གཅིག། དེ་ནི
74b3 རྣམ་གྲོལ་མྱ་ངན་འདས་པ་ཡིན།། རྟག་ཏུ་བྱང་ཆུབ་ཀྱི་ནི་གནས་ཡིན་ཕྱིར།། དེས་ན་མཉམ་པ་ཉིད་དེ་མི་མཉམ་མེད།། འདོད་ཆགས་མེད་ཅིང་ཞེ་སྡང་དག་ཀྱང་མེད།། ནམ་ཡང་རྗེས་སུ་ཆགས་པ་མེད།། སུ་ལའང
74b4 མཛའ་ཞིང་ཆགས་པ་མེད།། དེ་ལ་དེ་བྱང་སྒྲིབ་པར་འགྱུར།། དེ་ལྟར་དེ་ལས་དེ་རྟོགས་ན།། དེ་ལ་དེ་ཉིད་གྲུབ་པ་མེད།། དེ་བཞིན་ཉིད་ཙམ་འགྲུབ་པ་ཡིན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི
74b5 སེམས་ལུང་ཆེན་པོའི་མདོ་ལས། དེ་བཞིན་མཚོན་དུ་མེད་པའི་ལེའུ་སྟེ་སུམ་ཅུ་སོ་གཅིག་པའོ།། །། དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་སེམས་རྡོ་རྗེ་ལ་འདི་སྐད་ཅེས་གསོལ་ཏོ།། དེ་བཞིན་ཉིད
74b6 མཚན་མ་དང་མཚན་མ་མེད་པའི་དོན་གང་ལགས།། སེམས་དཔའ་དམ་པས་བཀའ་སྩལ་པ།། ཇི་ལྟར་ཉི་ཟླ་དག་པའི་འོད།། ཡོན་ཏན་ལྡན་དང་སྡིག་ཅན་གྱིས།། མི་ལ་མཉམ་པར་རབ་འཆར་ཏེ།། དེ་ལ་སྐྱེ་བ་འགྲིབ
iiif viewer powered by OpenSeadragon
