| e-texts navigator |
| Wylie |
72b1 ཡིན།། བྱ་བ་གཅིག་སྟེ་གཉིས་སུ་ཡོད་མ་ཡིན།། བྱང་ཆུབ་རྡུལ་མེད་དམ་པ་ཐོབ་ནས་སུ།། འདོད་ཆགས་ཞེ་སྡང་གཏི་མུག་ང་རྒྱལ་དང་།། ཕྲག་དོག་གསེར་སྣ་འཁོར་བའི་ཆོས།། དེ་དག་རང་བཞིན་ཞི་བའི
72b2 ཕྱིར།། གདོད་ནས་ཀུན་རྫོགས་དབྱིངས་ཀྱི་ངང་།། རབ་ཞི་མྱ་ངན་རྟག་འདས་པས།། ཐེག་པ་གསུམ་དུ་གང་དག་བསྟན་པ་ཡང་།། བདེར་གཤེགས་ཐབས་ཀྱི་འགྲོ་བ་འདུལ་ཡིན་ཕྱིར།། ཐེག་པ་ཐབས་ཀྱིས་དེ་ལྟར
72b3 བསྟན་པར་ཟད།། ཐེག་པ་གཅིག་སྟེ་དེ་བཞིན་ཚུལ་ཡང་གཅིག། རྣམ་དག་ཆོས་ཀུན་འདྲེན་པས་བཤད་པས་གཅིག། ཐམས་ཅད་ཐེག་པ་མཆོག་ལ་གནས།། ཞི་བའི་ས་མཆོག་དག་པ་དག་པའི་དང་།། འདི
72b4 དག་ཐམས་ཅད་འཇིག་རྟེན་སངས་རྒྱས་འགྱུར།། བསྔགས་པ་མཐའ་ཡས་ཆོས་ཉིད་དངོས་པོ་དག། འདི་ནི་ཡང་དག་དམ་པའི་མཛོད།། རིག་དཀའ་དམ་པ་ཞི་བ་སྟེ།། ཐེག་དམན་རྣམས་ཀྱིས་རྟོགས་མི་འགྱུར།། ཞེས
72b5 གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་ཉིད་ཞི་བའི་ལེའུ་སྟེ་ཉི་ཤུ་བདུན་པའོ།། །། དེ་ནས་འཁོར་དེར་འདུས་པ་རྣམས་ཀྱིས།། བྱང་ཆུབ་ཀྱི་སེམས་རྡོ་རྗེ་ལ་འདི
72b6 སྐད་ཅེས་གསོལ་ཏོ།། སེམས་དཔའ་ཆེན་པོ་ཆོས་ཉིད་ལྷུན་གྱིས་རྫོགས་པའི་དོན་གང་ལགས། སེམས་དཔའ་རྡོ་རྗེས་བཀའ་སྩལ་པ།། བྱ་མེད་ལྷུན་གྲུབ་ཡོངས་སུ་རྫོགས།། མི་གནས་ཆོས་དབྱིངས་དངོས་པོ
iiif viewer powered by OpenSeadragon
