| e-texts navigator |
| Wylie |
72a1 ཕྲ་རྣམས་གཅིག་ཏུ་འདུས་ནས་སུ།། ཇི་ལྟར་མི་རྟོག་ཟབ་མོ་ལ།། བརྟགས་ཀྱང་ལྟ་བ་དམན་པའི་ཕྱིར།། ཟབ་མོའི་དོན་གང་མི་རྟོག་པས།། བྱིས་པའི་སྤྱོད་ཡུལ་མིན་པས་སོ།། གཞན་མིན་གསུང་རྒྱལ
72a2 དྲང་སྲོང་ཆེ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་རྣམས་ཀྱི་དོན་གྱི་ལེའུ་སྟེ་ཉི་ཤུ་དྲུག་པའོ།། །། དེ་ནས་འཁོར་དེར་འདུས་པ་རྣམས་ཀྱིས། ཞི་བ་བདག
72a3 ཉིད་ལ་འདི་སྐད་ཅེས་གསོལ་ཏོ།། ཞི་བའི་བདག་ཉིད་ཆེན་པོ་རྣམ་གྲངས་ཀྱི་དོན་ནི་གང་ལགས། ཞི་བའི་བདག་ཉིད་ཆེན་པོས་བཀའ་སྩལ་པ། རང་བཞིན་ཐེག་པ་གཅིག་ཕྱིར་དུ།། དཔག་ཏུ་མེད་པ་བསྟན་གྱུར
72a4 ཀྱང་།། ཐེག་པ་ཡང་དག་རྫོགས་པ་ཡིན།། ང་ཡི་བསྟན་པ་ཐེག་པ་དགུ་པོ་ཡང་།། འགྲོ་བ་དག་གི་མཐུ་དང་སྟོབས་ལ་བསྟན།། ཐབས་ཀྱི་མཆོད་སྦྱིན་ཡེ་ཤེས་ལ།། གཟུད་པའི་ཕྱིར་ན་ངས་བཤད་དོ།། གང་ཞིག་རྟག
72a5 ཏུ་རྣམ་པར་དག་འགྱུར་བ།། རབ་ཏུ་ངེས་པ་སངས་རྒྱས་དང་།། དེ་དག་ལ་ནི་རབ་རྒྱས་དོན་རྣམས་བསྟན།། དེ་ལྟར་དེ་དག་བསམ་པ་རྫོགས་པ་ཡང་།། དེ་དག་ལ་ནི་མ་འོངས་དུས་དག་དང་།། ཤིན་ཏུ་དག་པས་དེ།
72a6 དག་ཀུན་ལ་ཁྱབ་པར་འགྱུར།། ཐེ་ཚོམ་མེད་པས་ཐམས་ཅད་བྱང་ཆུབ་དང་།། ཐེག་པ་ཐ་དད་པས་ནི་གང་བསྟན་པ།། སྐྱེས་བུ་མཆོག་རྣམས་ཐབས་མཁས་མ་གཏོགས་པར།། ཐེག་པ་གཅིག་སྟེ་གཉིས་སུ་ཡོད་མ
iiif viewer powered by OpenSeadragon
