| e-texts navigator |
| Wylie |
71b1 གནས་དག་ན།། ཟབ་ཅིང་ཤིན་ཏུ་ཕྲ་བ་དང་།། རིག་དཀའ་མཐོང་བར་དཀའ་བའི་ཕྱིར།། སྤྱོད་པ་དག་གི་སྔོན་ཆད་བསྙེན།། བསྐལ་པ་གྲངས་མེད་བསམ་ཡས་སུ།། སྤྱོད་པ་དེ་དག་སྤྱོད་པའི་ཕྱིར།། འབྲས་བུ་དེ་ནི་ཅི
71b2 འདྲ་བས།། བྱང་ཆུབ་སྙིང་པོ་དམ་པ་འདི།། དེ་ནི་འཇིག་རྟེན་རྣམ་འདྲེན་པ།། གཞན་དག་དང་ནི་ངས་ཀྱང་དེ།། ཇི་ལྟར་ཡིན་དང་ཅི་འདྲ་དང་།། དེ་ཡིས་མཚན་ཉིད་འདི་འདྲ་ཤེས།། དེ་ནི་བསྟན་དུ་མི་ནུས་ཏེ།། མོས
71b3 པས་རྟོགས་པར་མི་འགྱུར་ཕྱིར།། དེ་ནི་བརྗོད་དུ་ཡོངས་མེད་དོ།། གང་ལ་ཆོས་དེ་བསྟན་པ་དང་།། བསྟན་པ་དག་ཀྱང་ཤེས་པ་ཡི།། དེ་འདྲའི་སེམས་ཅན་སུ་ཡང་ནི།། འཇིག་རྟེན་དག་ན་ཡོད་མ་ཡིན།། གང་དག
71b4 འཇིག་རྟེན་དག་མཁྱེན་པ།། ལྷག་པར་བྱས་པས་བདེ་བར་གཤེགས་ཀྱིས་བསྔགས།། ཟག་ཟད་རྒྱལ་བའི་ཡེ་ཤེས་འདི།། ཐམས་ཅད་གཅིག་ཏུ་འདུས་གྱུར་ནས།། ཟབ་མོ་ཡང་དག་བསམས་བྱས་ཀྱང་།། བདེ།
71b5 གཤེགས་ཡེ་ཤེས་རྟོགས་མི་ནུས།། དེ་བས་ཡང་དག་ཟབ་མོ་འདི།། ལྷ་དམན་ཐེག་པ་ཆུང་བ་དང་།། མུ་སྟེགས་ལོག་ལྟ་ཅན་རྣམས་ཀྱིས།། ང་ཡི་ཆོས་ཀྱི་ཕྱོགས་ཙམ་ཡང་།། བསྐལ་པ་བྱེ་བ་བསམ་ཡས་སུ།། ཡང་དག
71b6 དོན་དེ་ཡོངས་མི་ཤེས།། ཞི་བ་རྟོག་མེད་མཉམ་དུ་མ་ཤེས་ན།། ཤིན་ཏུ་ངེས་དོན་ཟབ་མོ་སྒྲ་རྣམས་ཀྱིས།། དེ་རྣམས་ཀྱིས་ཀྱང་ཕྱོགས་མེད་གང་གྱུར་ཀྱང་།། སྨྱིག་མ་འདམ་བུའི་ཚལ་ལྟར་གང་བས་ཀྱང་།། ཤེས་རབ
iiif viewer powered by OpenSeadragon
