| e-texts navigator |
| Wylie |
71a1 བདུད་རྩིའི་ཚུལ།། མི་གནས་འདུ་བྱེད་ཞི་བའི་ཕྱིར།། འདུ་བྱེད་བཅུ་གཉིས་ཁྱད་པར་ཡང་།། ལྷག་པའི་བསམ་པས་གཟུང་བ་མེད།། གཟུང་མེད་འཇིག་རྟེན་ཞི་བ་ཡིན།། ཞེས་གསུངས་སོ།། རྒྱུད་ཀྱི
71a2 རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རང་བཞིན་ཡོངས་སུ་དག་པའི་ལེའུ་སྟེ་ཉི་ཤུ་ལྔ་པའོ།། །། དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ
71a3 ཏོ།། སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ་ཆོས་རྣམས་ཀྱི་དོན་ཇི་ལྟ་བུ་ལགས།། སེམས་དཔའ་དམ་པས་བཀའ་སྩལ་པ།། ཐམས་ཅད་དེ་བཞིན་གཤེགས་པ་ཉིད།། དེ་བཞིན
71a4 གཤེགས་པ་ཉིད་ལ་འཆད།། ཨེ་མ་ཧོ་ཆོས་རྣམས་ཐབས་མཁས་ཡེ་ཤེས་མཐོང་བ་དང་།། རྒྱུ་བཞི་དམིགས་དང་ངེས་དང་དམ་ཚིག་རྣམས།། ཐམས་ཅད་གང་ཡིན་ཇི་ལྟ་བུ།། ཆོས་དེ་ངོ་བོ་གང་ཡིན་ཞི་བའི་ཚུལ།། དེ
71a5 ཕྱིར་ཆོས་དེ་ཡོངས་སུ་དག་པའི་ཕྱིར།། ལྷ་མིར་བཅས་པའི་འཇིག་རྟེན་ན།། དཔའ་བོ་ཆེན་པོ་དཔག་མེད་པ།། རྣམ་འདྲེན་སེམས་ཅན་ཐམས་ཅད་ཀྱིས།། རྣམ་པ་ཀུན་ཏུ་མི་འགྱུར་དང་།། དེ་ལྟར་སྟོབས་དང་རྣམ་ཐར
71a6 དང་།། འཇིག་མེད་གང་དག་ཅི་འདྲ་དང་།། ཡང་དག་ཆོས་རྣམས་ཇི་འདྲ་བར།། བསྡུས་ཀྱང་ཤེས་པར་མི་འགྱུར་རོ།། དེ་ཡང་ཅི་ཕྱིར་ཟབ་མོ་འདི།། ཤིན་ཏུ་རྟོགས་པར་དཀའ་བའི་ཕྱིར།། རྒྱལ་བས་གྲངས་མེད
iiif viewer powered by OpenSeadragon
