| e-texts navigator |
| Wylie |
70b1 ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སྤྱོད་པ་ཐམས་ཅད་བཀག་པའི་ལེའུ་སྟེ་ཉི་ཤུ་བཞི་པའོ།། །། དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ
70b2 ཏོ།། སེམས་དཔའ་ཆེན་པོ་རང་བཞིན་ཡོངས་སུ་དག་པའི་དོན་ཇི་ལྟ་བུ་ལགས།། སེམས་དཔའ་དམ་པས་བཀའ་སྩལ་པ།། འདས་དང་མ་འོངས་ད་ལྟར་གྱི།། དུས་གསུམ་རྟག་ཏུ་ངོ་བོས་སྟོང་།། རང་བཞིན་སྐྱེ་འགག།
70b3 མེད་པས་ཞི།། བྱང་ཆུབ་ཐ་སྙད་མི་འཛིན་ཕྱིར།། བླང་དོར་ཆོས་ཉིད་རྟག་གནས་ཕྱིར།། འདས་དང་མ་འོངས་ད་ལྟར་གྱི།། ཐ་སྙད་མིང་ལ་མི་གནས་ཏེ།། སྐྱེ་འགག་མེད་པར་རྟག་གནས་ཤིང་།། དེ་ཉིད་དུས་གསུམ
70b4 ཆེན་པོར་སྦྱོར།། མཉམ་ཉིད་ཆོས་དབྱིངས་ཀུན་ཏུ་བཟང་།། ཕྱོགས་བྲལ་ཆོས་ཉིད་ཡོངས་རྫོགས་ཕྱིར།། དུས་གསུམ་རྣམ་པ་ཞི་བའི་ཚུལ།། མཉམ་པས་རིམ་པར་བཀོད་པ་མེད།། གཅིག་པས་ཕྱོགས་སུ་བསྔོ་དང
70b5 བྲལ།། དྲི་མེད་རང་བཞིན་དག་པའི་ཚུལ།། ཚོགས་ཀྱི་རྒྱན་དང་བཀྲམ་པ་ཡང་།། རང་བཞིན་གནས་པས་དྲི་མ་མེད།། འདོད་ཡོན་ལྔ་ཉིད་ཀུན་བཟང་རྒྱན།། ཡེ་ནས་ཆོས་ཀུན་དག་པའི་ཕྱིར།། བསྔོ་བ་ཁྱད་པར་མེད
70b6 པའི་ཕྱིར།། གཉིས་འཛིན་བྲལ་བ་ཞི་བ་སྟེ།། གདོད་ནས་རྣམ་དག་བདུད་རྩིའི་ཚུལ།། ཀུན་བཟང་ལྷུན་གྲུབ་ཡིན་པའི་ཕྱིར།། ལྷུན་གྱིས་གྲུབ་པས་མི་བསྔོ་ཞིང་།། གདོད་ནས་དག་པ་བདུད་རྩི་ལ།། ཕྱི་ནང་འདུ་བྱེད
iiif viewer powered by OpenSeadragon
