| e-texts navigator |
| Wylie |
70a1 དང་མི་གཡོ་ཐམས་ཅད་ཀྱང་།། དེ་བཞིན་ཉིད་ཀྱིས་ཞི་བ་ཡིན།། དེ་བཞིན་གཡོ་བ་མི་གཡོ་བ།། འགྲོ་བ་རྣམས་ལ་བསྟན་བྱའི་ཕྱིར།། འབྱུང་བ་ལྔ་པོ་གཙོ་ཆེན།། ཐམས་ཅད་མི་འབྲལ་ཡང་དག
70a2 ལྔ།། ཐམས་ཅད་དེ་བཞིན་ཉིད་དུ་གནས།། ལྷག་པའི་དབང་གིས་རྟོག་པ་ཞི།། རྟོག་པ་ཞི་བ་གང་ཡིན་པ།། དེ་ནི་ཆོས་སྐུ་དག་པ་སྟེ།། རྒྱལ་བ་དཔའ་བོས་དེ་སྐད་བཤད།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ
70a3 བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཕྱི་ནང་སྣོད་བཅུད་དག་པའི་ལེའུ་སྟེ་ཉི་ཤུ་གསུམ་པའོ།། །། དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། སེམས
70a4 དཔའ་ཆེན་པོ། ཆོས་ཐམས་ཅད་དག་པ་ཆེན་པོ་ཡིན་ན་རྩོལ་བསྒྲུབ་ཀྱི་དོན་ཇི་ལྟ་བུ་ལགས།། སེམས་དཔའ་དམ་པས་བཀའ་སྩལ་པ།། གལ་ཏེ་དམུས་ལོང་མིག་ལྡོངས་པས།། བཟའ་བའི་ཡུལ་ཅིག་བལྟ་འདོད
70a5 ཀྱང་།། ཡུལ་དེ་མཐོང་བ་མེད་པ་ལྟར།། ཆོས་ཉིད་ཡང་དག་ཟབ་མོ་འདི།། ཐེག་པ་དམན་པས་མི་རྟོགས་ཕྱིར།། སྤྱོད་བསྒྲུབ་སྣ་ཚོགས་བསྟན་ནས་ཀྱང་།། དོན་ལ་ཡང་དག་གཟུང་ཕྱིར་བསྟན།། ཆོས་ཉིད་ཡང་དག།
70a6 ཟབ་མོ་ལ།། དུས་གསུམ་བདེ་གཤེགས་མཆོད་པ་དང་།། ཏིང་འཛིན་ཕྱག་རྒྱ་སྤྱན་དྲང་སེམས་ཅན་དོན།། ཆོས་ཉིད་ལ་ནི་དེ་དག་མེད།། དེ་ཕྱིར་རྩོལ་བསྒྲུབ་བླ་མེད་གནས་སུ་ཆེ།། ཞེས་གསུངས་སོ།། རྒྱུད་ཀྱི་རྒྱལ་པོ
iiif viewer powered by OpenSeadragon
