| e-texts navigator |
| Wylie |
6a1 མཚན་མ་འཁོར་ལོ་ཟུར་བརྒྱད་པ་ལྟ་བུར་གནས་པར་གྱུར་ཏོ།། དེའི་ཚེ་འཁོར་ལོ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ།། ཨེ་མའོ་སངས་རྒྱས་ཀུན་གྱི་ཐུགས།། ཆོས་ཀྱི་འཁོར་ལོ་རབ་བསྒྱུར
6a2 བ།། ཉོན་མོངས་དྲ་བ་གཅོད་པར་བྱེད།། སྐུ་ཡི་ཐུགས་ནི་བརྟན་པའོ།། ཞེས་གྲགས་སོ།། དེ་ནས་ཐུགས་ཀྱི་མཚན་མ་དེ་ཉིད་འཕྲོ་བ་དང་བསྡུ་བ་ལས། སྣང་མཛད་སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས
6a3 སུ་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་།། ཨེ་མའོ་ང་ནི་རང་བྱུང་སྟེ།། སངས་རྒྱས་ཀུན་གྱི་སྐུ་ཡི་བདག། སངས་རྒྱས་ཀུན་ནི་ཐམས་ཅད་ཀྱི།། སྐུ་ཡི་ཕྱག་རྒྱ་བརྟན་པ་ཡིན།། ཞེས
6a4 གླེང་སྟེ། ཨ། ཞེས་བརྗོད་ཅིང་སྤྱན་སྔར་བཞུགས་སོ།། དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས།། རིན་ཆེན་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་ནས། ཉིད་ཀྱི་སྐུ་དང་གསུང
6a5 དང་ཐུགས་རྡོ་རྗེ་ལས་ཡིད་བཞིན་གྱི་ནོར་བུའི་གསང་བའི་སྙིང་པོ་འདི་ཕྱུང་ངོ་།། སྭ་རཏྣ་དྷྲྀཀ། འདི་ཕྱུང་མ་ཟག་ཏུ་དེ་བཞིན་གཤེགས་པ་ཐམས་ཅད་ང་རྒྱལ་གྱི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི
6a6 སྒྲ་འདི་སྐད་ཅེས་གྲགས་སོ།། ཨེ་མའོ་སངས་རྒྱས་ཐམས་ཅད་ཀྱི།། ཡིད་བཞིན་གསུང་ནི་བླ་ན་མེད།། ཡོན་ཏན་ཀུན་གྱི་འབྱུང་གནས་གཙོ།། རིན་ཆེན་གསུང་ནི་དག་པའོ།། ཞེས་གྲགས་སོ།། དེ་ནས་སྙིང་པོ་ཡི་གེ་དེ
iiif viewer powered by OpenSeadragon
