| e-texts navigator |
| Wylie |
69b1 གཞན་ནས་ཚོལ།། སྨན་ཉིད་སྨན་པ་ཚོལ་བ་བཞིན།། ཇི་ལྟར་ནད་པའི་མཚན་ཉིད་ལ།། སྨན་དང་སྨན་པས་ཞི་བ་ལྟར།། ཞི་བས་ཆོས་ཉིད་དག་པ་ཡིན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི
69b2 སེམས་ལུང་ཆེན་པོའི་མདོ་ལས། ཆོས་ཉིད་རྒྱུ་རྐྱེན་ལས་མ་གྲུབ་པའི་ལེའུ་སྟེ་ཉི་ཤུ་གཉིས་པའོ།། །། དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ།། སེམས་དཔའ
69b3 ཆེན་པོ། ཆོས་ཐམས་ཅད་སངས་རྒྱས་ནས། སེམས་ཅན་དག་པ་ཆེན་པོར་འགྱུར་བའི་དོན་ཇི་ལྟ་བུ། སེམས་དཔའ་དམ་པས་བཀའ་སྩལ་པ།། འཁོར་བ་ཐམས་ཅད་སངས་རྒྱས་པའི།། བྱང་ཆུབ་སྙིང་པོ་ཀུན་ཡིན
69b4 ཕྱིར།། བདེ་བ་ཞི་བ་བྱར་མེད་པས།། གཟུང་དང་འཛིན་པར་མི་བལྟ་བས།། འཇིག་རྟེན་རྣམ་དག་ཀུན་ཏུ་བཟང་།། གོ་བའི་ཡུལ་ན་བདེ་བ་ཆེ།། དེ་ཉིད་རྣམ་དག་འཇིག་རྟེན་ཡིན།། ཕྱོགས་བཅུ་གནས་ཀྱི་བླ་འོག
69b5 ཀྱང་།། དེ་དག་ཐམས་ཅད་མིང་དུ་གྲགས།། མིང་ཙམ་སྒྱུ་མར་བརྟེན་ནས་ཀྱང་།། ཆོས་ཉིད་མི་འགྱུར་རང་བཞིན་ལ།། ལས་ནི་སྒྱུ་མར་བསྟན་པར་ཟད།། དེ་ལ་ཕྱོགས་ཀྱི་འོད་འདུས་པས།། ཕྱོགས་བཞི་མཚམས་དང
69b6 བླ་འོག་གྲུབ།། ལས་ཀྱི་རྒྱུད་ཀུན་བསགས་པ་ཡིས།། སྐྱེ་འགྲོ་སེམས་ཅན་རྣམས་སུ་སྣང་།། མ་ངེས་འཇའ་ཚོན་ཁ་དོག་ལས།། རིགས་ཀྱི་ཁྱད་པར་མངོན་པར་སྣང་།། སྣོད་བཅུད་འཇིག་རྟེན་ཐམས་ཅད་ཀུན།། གཡོ
iiif viewer powered by OpenSeadragon
