| e-texts navigator |
| Wylie |
69a1 གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆོས་ཉིད་མི་འགྱུར་བའི་ལེའུ་སྟེ་ཉེར་གཅིག་པའོ།། །། དེ་ནས་ཡང་འཁོར་དེར་འདུས་པ་རྣམས་ཀྱིས། སེམས
69a2 དཔའ་དམ་པ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ་ཡང་དག་མ་བསྒྲུབས་པར་འབྱུང་བའི་རྒྱུ་གང་ལགས། སེམས་དཔའ་དམ་པས་བཀའ་སྩལ་པ།། ཡང་དག་དོན་ཉིད་དམ་པ་འདི།། རྒྱུ་རྐྱེན་འབྲས་བུ
69a3 ཡོངས་མེད་ཕྱིར།། མི་དམིགས་ཞི་བ་ནམ་མཁའི་ཚུལ།། ངོ་མཚར་རྨད་བྱུང་རོལ་པ་འདི།། བྱ་བྲལ་ནམ་མཁའ་ཇི་བཞིན་ཏེ།། སྐུ་གསུང་ཐུགས་ལྡན་ཀུན་ཏུ་བཟང་།། བཅོམ་ལྡན་ཆོས་ཉིད་མཉམ་པར་གནས།། བྱ
69a4 བྲལ་ངོ་མཚར་ཞི་བ་ཉིད།། སྤྲུལ་པའི་རོལ་པ་སྒྱུ་མ་འདི།། རྨད་བྱུང་བྱ་བ་མི་འགྱུར་དང་།། མི་མཛད་ཆོས་ཉིད་ཞིར་གནས་ཕྱིར།། ཅི་ཡང་མི་དམིགས་གཏི་མུག་ལས།། དེ་མ་ཟག་ཏུ་རང་ལས་བྱུང་།། གཏི་མུག་རང
69a5 བཞིན་ཡང་དག་སྟེ།། སྟོང་ཉིད་ཞི་བ་ནམ་མཁའི་ཚུལ།། ཤེས་རབ་གཏི་མུག་ཆོས་དབྱིངས་དང་།། དེ་བས་ཅིར་ཡང་མི་དམིགས་གཏི་མུག་ལ།། དེ་མ་ཐག་ཏུ་རང་ལས་བྱུང་།། སེམས་ཅན་མཚན་ཉིད་སྟོང་པའི
69a6 ཕྱིར།། རྣམ་གྲོལ་དག་པ་གང་ཡིན་པ།། འདི་ནི་ཐམས་ཅད་མཚུངས་པའི་ལམ།། འགྲོ་ཀུན་སྙིང་པོ་ཡིན་པའི་ཕྱིར།། འགྲོ་བ་ཀུན་གྱི་རང་བཞིན་གནས།། མི་ཤེས་བྱིས་པས་བསླད་པའི་ཕྱིར།། ཡང་དག་དོན་ཉིད
iiif viewer powered by OpenSeadragon
