| e-texts navigator |
| Wylie |
68b1 ཕྱིར།། གང་ནས་མི་འབྱུང་ཆོས་ཉིད་ཡིན་པའི་ཕྱིར།། ལྷག་མ་མེད་པས་ཡོངས་སུ་རྫོགས།། འགྱུར་བ་མེད་པས་དྲང་པོར་གནས།། ཡེ་ཤེས་དམིགས་མེད་ནམ་མཁའ་འདྲ།། རང་བཞིན་མཐའ་མེད་མཉམ་པ
68b2 ཆེ།། ཡུལ་བསམ་སྨྲ་བ་འབྱུང་མི་འགྱུར།། མཚུངས་པ་མེད་པའི་ཆོས་ཉིད་ནི།། རང་གི་མཐུ་ཡིས་རིག་པ་ལས།། མཉམ་ཉིད་བསྒོམས་པ་གཞན་ལས་མིན།། དེ་ཕྱིར་བསྒྲུབ་པ་དོན་མེད་ཕྱིར།། ཆོས་ནི་འབྱུང་བར་མི
68b3 འགྱུར་རོ།། ཡེ་ནས་རྡུལ་ཙམ་མི་དམིགས་ཕྱིར།། སྤྱོད་ཡུལ་བགྲོད་པ་ཤིན་ཏུ་དཀའ།། ཡང་དག་ཆོས་ཉིད་གཅིག་པ་ལ།། བྱེ་བྲག་ཆོས་སུ་ཕྱེ་བར་དཀའ།། སླ་ཞིང་དཀའ་ལ་སླ་ཕྱིར་དཀའ།། ཞི་བའི་ཆོས་ཉིད་དངོས
68b4 བྲལ་བས།། མངོན་སུམ་གནས་པ་ཀུན་ལ་ཁྱབ།། ཆོས་ཉིད་མཚན་མ་མེད་པ་སྟེ།། ཆོས་ཉིད་དམིགས་པའི་ཡུལ་མེད་པས།། དབང་པོས་མཐོང་བར་བྱ་བ་མིན།། ཡུལ་མེད་ཁྱབ་པས་དེ་བཞིན་ཉིད།། མངོན་སུམ་སྙིང
68b5 རྗེས་ཀུན་ལ་ཁྱབ།། རང་བཞིན་ཆོས་ཉིད་ཟབ་མོ་ལ།། དམིགས་པ་ཐམས་ཅད་ཡོངས་བྲལ་ལ།། འཇིག་རྟེན་བྱིས་པ་མི་མཁས་པས།། རི་བོང་ར་དང་རུས་སྦལ་སྒྲ།། ནམ་མཁའི་མེ་ཏོག་མོ་གཤམ་བུ།། དེ་རྣམས
68b6 མཐོང་བ་གང་འདོད་པ།། དེ་དག་བྱིས་པའི་སྤྱོད་ཡུལ་ཡིན།། ཐོབ་མེད་ཡེ་ནས་གནས་པའི་ཕྱིར།། མངོན་པར་འཆར་བ་གཅིག་པའི་ཕྱིར།། མིང་ཙམ་འདི་ཞེས་བསྟན་པ་ནི།། རྡོ་རྗེ་སེམས་དཔས་མཚོན་དུ་མེད།། ཅེས
iiif viewer powered by OpenSeadragon
