| e-texts navigator |
| Wylie |
66b1 ལ་མཉམ་གཞག་སྟེ།། ནམ་མཁའ་བཞིན་དུ་ཞི་བར་གནས།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། མཉམ་པ་ཉིད་ལ་དབང་བསྒྱུར་བའི་ལེའུ་སྟེ་བཅུ་བདུན
66b2 པའོ།། །། དེ་ནས་འཁོར་འདུས་པ་རྣམས་ཀྱིས། སེམས་དཔའ་དམ་པ་ལ་ལོགས་སུ་བཏུད་དེ།། འདི་སྐད་ཅེས་གསོལ་ཏོ།། སེམས་དཔའ་ཆེན་པོ་བདེ་བ་དང་། ཆོས་ཐམས་ཅད་དབྱེར་མེད་པའི་དོན་ཇི་ལྟ་བུ
66b3 ལགས། ཞེས་གསོལ་པ་དང་། སེམས་དཔའ་དམ་པས་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་རྣམས།། འགྲོ་བ་འཁྲུལ་པས་མི་ཤེས་པས།། བདེ་དང་སྡུག་བསྔལ་གཉིས་བལྟས་ཕྱིར།། དེ་ཕྱིར་བདེ་དང
66b4 སྡུག་བསྔལ་མྱང་།། འཁྲུལ་པའི་དབང་གིས་མྱང་བར་ཟད།། ཆོས་ཉིད་རང་བཞིན་དག་པ་ལ།། བདེ་དང་སྡུག་བསྔལ་མེད་པའི་ཕྱིར།། འདི་ལ་བརྟུལ་ཞུགས་དྲག་པོ་ཡིས།། སྤྱོད་པར་བྱེད་པ་གང་ཡིན་པ།། ཇི་ལྟར
66b5 དྲན་པ་ཆུང་བའི་མིས།། སྡང་དང་བརྩེ་བ་མི་ཤེས་ཕྱིར།། ཐམས་ཅད་བརྩེ་བ་མེད་པར་མཐོང་།། གནས་སུ་བྱ་བ་མིང་ཡང་མེད།། དེ་བཞིན་ཆོས་དབྱིངས་དམ་པ་འདི།། བརྗོད་པ་ཐམས་ཅད་བྲལ་བའི་ཕྱིར།། ཐམས
66b6 ཅད་སྟོང་ཉིད་རང་བཞིན་ནི།། ཀུན་བཟང་ཆོས་དབྱིངས་དག་པ་ལ།། བསྒྲུབ་དང་དཀའ་ཐུབ་བསྲུང་བ་ཡིས།། ཡང་དག་དོན་དེ་མི་མཐོང་གིས།། སྡུག་བསྔལ་རྣམ་པ་སྣ་ཚོགས་བསྐྱེད།། དེ་ལྟར་སྤྱད་ན་འཆིང་བ་ཆེན།
iiif viewer powered by OpenSeadragon
