| e-texts navigator |
| Wylie |
66a1 ལས། ལུང་སྟོན་པའི་ལེའུ་སྟེ་བཅུ་དྲུག་པའོ།། །། དེ་ནས་འཁོར་དེར་འདུས་པ་རྣམས་ཀྱིས། སེམས་དཔའ་དམ་པ་ལ་འདི་སྐད་ཅེས་གསོལ་ཏོ།། དབྱིངས་ལ་དབང་བའི་དོན་ནི་གང་། མ་བཙལ
66a2 བར་ལྷུན་གྱིས་རྫོགས་པའི་དོན་ནི་ཇི་ལྟ་བུ་ལགས།། དེ་ནས་སེམས་དཔའ་དམ་པས་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་རྣམས།། ཆོས་ཀུན་མཉམ་ཉིད་ལྷུན་གྱིས་རྫོགས།། མི་རྩོལ་དབང་སྒྱུར
66a3 རྟོགས་པའི་ཕྱིར།། མི་བསྐྱོད་དག་པའི་ཕྱིར།། མི་གཡོ་བ་ནི་སྐུ་ཡི་རྒྱ།། མི་བསྐྱོད་དེ་ཉིད་ཡེ་ཤེས་ཏེ།། ཆོས་ཉིད་སྐྱེ་འགག་མཉམ་ཉིད་དང་།། ཆོས་ཉིད་ཕྱག་རྒྱ་ནམ་མཁའ་འདྲ།། མི་ལེན་ཡེ་ཤེས་དག་པ་སྟེ།། བསམ
66a4 པའི་མངོན་ཤེས་མི་ལེན་ཕྱིར།། མི་ལེན་མི་འདོར་མཉམ་ཉིད་དོ། མི་ལེན་པས་ན་བདག་མེད་ཅིང་།། མི་དོར་ཚིག་བྲལ་མཉམ་ཉིད་དོ།། སྨྲ་བའི་སེངྒེ་ཡུལ་མེད་པས།། བསམ་པ་མི་འདོར་མཉམ་ཉིད་དོ།། འདས་དང
66a5 འོངས་དུས་ཉིད་ཞི།། གང་དང་གང་གི་གང་དུ་ཡང་།། ཇི་ལྟར་ཡིད་བཞིན་རིན་ཆེན་ལྟར།། བདག་གཞན་གཉིས་ཀའི་དོན་བྱེད་ལྟར།། རང་ལས་དག་པ་མི་ཟད་འབྱུང་བའི་ཕྱིར།། ཀུན་འཁོར་ཀུན་སྤྱོད་དག་ལས
66a6 འབྱུང་།། ཆོས་དབྱིངས་ཀུན་ཏུ་བཟང་མོའི་ངང་།། རྒྱལ་བ་འཇིག་རྟེན་མཉམ་པ་ཡིས།། འདི་ལ་སྐྱེས་པ་བུད་མེད་ཅེས།། མཉམ་པའི་རྒྱལ་པོས་ཡོངས་མ་གསུངས།། དེ་བཞིན་སྟོན་པ་རྒྱལ་བ་ཡང་།། མཉམ་པའི་དོན
iiif viewer powered by OpenSeadragon
