| e-texts navigator |
| Wylie |
65b1 དབུས་མེད།། གཉིས་མེད་དོན་དམ་སྤྲོས་བྲལ་ཡིན།། མ་བྱུང་མ་སྐྱེས་སྙིང་པོ་ལ།། སྨྲ་བསམ་ཡུལ་མེད་དག་པའི་ཕྱིར།། སྒྲོ་བཏགས་ཆོས་ཀུན་ག་ལ་ཡོད།། ཕྱི་ནང་རྩོལ་བ་བདག་མེད་ཞི་བ་སྟེ།། དབྱིངས་ལ་ཐོབ་པའི
65b2 བསམ་པ་ངང་གིས་ཞི།། ཕྱི་ནང་གཉིས་ཀ་ཕྱི་ཉིད་ནང་།། ཟབ་མོ་བྱང་ཆུབ་ཕྲ་མོ་རྟོག་ཡུལ་མེད།། འདི་དག་མཉམ་ཞིང་སྲིད་པ་མིང་ཙམ་སྟེ།། ཟབ་མོའི་ཆ་ཤས་རྟོག་ཡུལ་མེད།། ཁམས་གསུམ་དག་ཏུ་གྲགས་པ
65b3 ཡང་།། སྲིད་པ་མིང་ཙམ་ལོག་པའི་སྟོབས།། ཟིན་པའི་དགོངས་པ་བཀོད་པ་སྟེ།། སྒྱུ་མའི་ཏིང་འཛིན་བཅིངས་པ་སྟེ།། དེ་བས་ཏིང་འཛིན་མཉམ་དང་བྲལ།། ཐ་ཚིག་རྣམ་པ་འབྱུང་བ་ཡང་།། འབྱུང་ཆེན་ལྔ་ལ་ཐ་ཚིག
65b4 ཕྱི་དང་ནང་།། རང་བཞིན་ཕུང་པོ་ཁམས་བཞིན་གནས།། ཟབ་མོ་ཁྱད་པར་ཐ་ཚིག་སྟོང་།། བདེར་གཤེགས་སེམས་ཅན་ངང་གཅིག་ཕྱིར།། ཕུང་པོ་ཁམས་དང་སྐྱེ་མཆེད་དག། ཆོས་ཀྱི་རྒྱལ་པོ་ལྟ་བུར་ཞི།། དུས
65b5 གསུམ་དེ་དང་མི་བྲལ་བས།། བླང་དང་དོར་བ་བྱ་མེད་ཕྱིར།། ཐ་ཚིག་མིང་དུ་བཏགས་པ་མེད།། དེ་བཞིན་ཆོས་ཉིད་དག་པ་ལ།། ཐ་ཚིག་འདོགས་པ་ལྟ་བ་དམན།། ནམ་མཁའ་དག་ལ་རྫས་བཞག་ཀྱང་།། དེ་ལ
65b6 ཆགས་པའི་གནས་མེད་ལྟར།། ཡང་དག་དམ་པ་ཞི་བ་ལ།། ཐ་ཚིག་མིང་དུ་བཏགས་པ་ཡང་།། དེ་ལ་ཐ་ཚིག་ཐོགས་མེད་འགྱུར།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ
iiif viewer powered by OpenSeadragon
