| e-texts navigator |
| Wylie |
64b1 བའི་རྒྱན་གྱིས་ཀུན་ཁྱབ་ཕྱིར།། ཆེ་བའི་ཆེན་པོར་རང་བཞིན་གནས།། དེ་ལྟར་ཆེན་པོའི་རང་བཞིན་ཡང་།། ཐམས་ཅད་ཀུན་ལ་ཁྱད་པར་གནས།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང
64b2 ཆེན་པོའི་མདོ་ལས། ཆེ་བ་ཉིད་ཀྱི་སྙིང་པོའི་ལེའུ་སྟེ་བཅུ་བཞི་པའོ།། །། དེ་ནས་འཁོར་རྣམས་ཀྱིས་གསོལ་པ། སེམས་དཔའ་ཆེན་པོ་ཆོས་ཉིད་ནི་སྨོན་པ་ཐམས་ཅད་དང་བྲལ་བ་ལགས་ན། ཅི་ཕྱིར་བཙལ་བར
64b3 བགྱི་ཞེས་གསོལ་ཏོ།། སྨྲ་བའི་དམ་པས་བཀའ་སྩལ་པ།། ཉོན་ཅིག་འདུས་པའི་འཁོར་ཚོགས་རྣམས།། རང་བཞིན་ཆེ་བའི་ཆེན་པོ་ལ།། བཙལ་དང་བསྒྲུབ་པར་གང་འདོད་པ།། ཇི་ལྟར་བྱིས་པ་ཁུ་ར་འཇོམས།། འདུ
64b4 ཤེས་ཆུང་བའི་རང་བཞིན་གྱིས།། ཉེ་རིང་རྣམ་པ་མི་ཤེས་ལྟར།། དེ་ལྟར་ལྟ་བ་དམན་གྱུར་པས།། ཡང་དག་བལྟ་བ་མཐོང་མི་འགྱུར།། ཡང་དག་དོན་ལྡན་མཁས་པ་ཡིས།། སྲིད་པ་གསུམ་ན་སྦྱོར་བ་ཡང་།། མིང་ཙམ
64b5 སྒྱུ་མར་སྣང་བ་སྟེ།། སྲིད་པ་སྒྱུ་མ་མིང་ཙམ་གྲགས།། དེ་ཡང་ཅི་ལྟ་བུ་ཞེ་ན།། ཇི་ལྟར་སྒྱུ་མའི་མཁན་པོ་ཡིས།། རྫས་ཀྱི་རྣམ་པ་གྱི་ན་ལ།། སྲིད་པ་གསུམ་དུ་སྣང་འགྱུར་ཡང་།། སྲིད་པའི་དངོས་པོ་ཡོད་མ་ཡིན།། སྲིད
64b6 གསུམ་མ་ལུས་དག་པའི་ཞིང་།། འཁོར་ལོས་སྒྱུར་བའི་གནས་ཆེན་ཡང་།། མཚན་མ་བྱང་ཆུབ་ཞི་བས་འདུལ་བའི་གནས་ཡིན་ཏེ།། འཁོར་ལོས་སྒྱུར་བ་སྒྱུ་མའི་ཚུལ།། སྒྱུ་མས་སྦྱོར་བའི་གནས་ཆེན་ཡིན།། དབྱིངས
iiif viewer powered by OpenSeadragon
