| e-texts navigator |
| Wylie |
64a1 ཀྱི་སེམས་རྡོ་རྗེ་དེས་བཀའ་སྩལ་པ།། ཆོས་ཉིད་བདེ་སྡུག་ནམ་མཁའི་ཚུལ།། དེ་བས་བདེ་སྡུག་ག་ལ་ཡོད།། ཆགས་དང་མ་ཆགས་ངང་གིས་སྟོང་།། འདས་དང་མ་འོངས་ད་ལྟར་གྱི།། བདེ་སྡུག་རྣམ
64a2 པར་བསལ་བའི་ཕྱིར།། ད་ལྟའི་བདེ་དང་ཕྱི་མ་ཡི།། མངོན་སུམ་པ་དང་རྒྱབ་ནས་འབྱུང་།། ཆེ་བའི་ཡོན་ཏན་ཐོབ་ཟིན་པས།། ཡེ་ཤེས་དབང་གིས་ཡོན་ཏན་རྙེད།། རྙེད་པར་བྱ་བ་མེད་བཞིན་དུ།། ཤེས་པས་རྙེད་པར
64a3 བྱ་འདོད་པ།། དེ་ཡང་རྣམ་པའི་སྐྱོན་ཡིན་པས།། དེ་ལ་བརྟེན་པར་མི་བྱའོ།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཆགས་པ་ཐམས་ཅད་དང་བྲལ་བའི་ལེའུ་སྟེ་བཅུ
64a4 གསུམ་པའོ།། །། དེ་ནས་འཁོར་འདུས་པ་རྣམས་ཀྱིས་གསོལ་པ། སེམས་དཔའ་ཆེན་པོ། ཆོས་ཐམས་ཅད་བྱ་བ་མེད་པའི་དོན་ཇི་ལྟ་བུ་ལགས། ཡེ་ནས་ཆོས་ཉིད་ཆེ་བའི་རང་བཞིན་ནི་གང་། དོན་ཉིད་ནི་ཇི་ལྟར
64a5 རྟོགས་པར་བགྱི། ཞེས་གསོལ་ཏོ།། དེ་ནས་བྱང་ཆུབ་ཀྱི་སེམས་རྡོ་རྗེ་དེས་བཀའ་སྩལ་པ།། གཉིས་མེད་རྣམ་པ་ཞི་བའི་ངང་།། འགྱུར་མེད་དག་པ་ཞི་བའི་ཕྱིར།། དུས་གསུམ་གཅིག་སྟེ་ཁྱད་པར་མེད།། དུས་རྣམས
64a6 རྟག་ཏུ་སྟོང་པའི་ཕྱིར།། སྔོན་མེད་ཕྱིས་མེད་གདོད་ནས་མེད།། ཆོས་ཀྱི་དབྱིངས་ནི་ཅིག་ཆར་གནས།། ཆོས་སྐུས་ཁྱབ་པས་གཅིག་པའི་ཕྱིར།། ཆོས་ཀྱི་སྐུ་ནི་ནམ་མཁའ་འདྲ།། གཉིས་མེད་ཆོས་སྐུའི་རྒྱན་ཡིན་ཏེ།། ཆེ
iiif viewer powered by OpenSeadragon
