| e-texts navigator |
| Wylie |
63b1 སྙིང་པོ་མངོན་སུམ་དུ།། དེ་ལས་དེ་བྱུང་ངོ་མཚར་ཆེ།། དུས་རྣམས་རྟག་ཏུ་བདེ་བའི་འབྲས།། སྔོན་གྱི་བདེ་དང་ད་ལྟར་བདེ།། འདས་དང་མ་འོངས་ད་ལྟར་གྱི།། དུས་གསུམ་རྟག་ཏུ་ཞི་བ་བདེ།། དེ་ཡང་ཆོས་ཉིད་ཞི
63b2 བའི་གནས།། ཞི་བ་མཐོང་བ་གང་ཡིན་པ།། དེ་བཞིན་དེ་ཡི་གནས་སུ་ཆེ།། སེམས་ཅན་རྒྱལ་བའི་ཞིང་འགྱུར་ཡིན།། ཐམས་ཅད་རྒྱལ་བའི་ངང་གྱུར་པས།། དེ་ལྟར་དེ་ཡི་ལམ་འདྲ་བས།། རྒྱལ་བ་འགྲོ་དང་མཉམ
63b3 ཉིད་པས།། དེ་ནི་ལམ་མཆོག་རང་བཞིན་ཏེ།། དེ་ལྟར་སྣང་བ་གང་ཡིན་པ།། དེ་དང་འདྲ་བ་ཡོངས་ཀྱི་ལམ།། ཟླ་བ་ལས་བྱུང་རྟེན་དང་བཅས།། ཀླུང་ལ་ཞི་བའི་རང་བཞིན་གནས།། སྐྱེ་མེད་ཞི་བ་རོ་གཅིག
63b4 ཕྱིར།། མཉམ་ཉིད་དག་པ་གང་ཡིན་པ།། ཐམས་ཅད་མཉམ་ཉིད་ཞི་བ་ལ།། ཀུན་གྱི་མཉམ་ཉིད་ཡིན་པའི་ཕྱིར།། ཕྱོགས་སུ་བལྟས་པས་གྲུབ་པ་མེད།། དེ་ཕྱིར་མཉམ་ཉིད་དམ་པ་ལ།། བལྟ་བར་འདོད་པ་གང་ཡིན
63b5 པ།། དཔེར་ན་མུན་ནག་རྫས་འཚོལ་འདྲ།། དེ་ཕྱིར་མཉམ་ཉིད་ག་ལ་རྙེད།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། ཡོངས་སུ་རྫོགས་པའི་ལེའུ་སྟེ་བཅུ་གཉིས
63b6 པའོ།། །། དེ་ནས་འཁོར་དེར་འདུས་པ་རྣམས་ཀྱིས་བྱང་ཆུབ་ཀྱི་སེམས་རྡོ་རྗེ་ལ་གསོལ་པ། སེམས་དཔའ་ཆེན་པོ་ཆགས་པ་ཐམས་ཅད་དང་བྲལ་བ་ཇི་ལྟ་བུ་ལགས། ཆགས་ན་སྐྱོན་དུ་ཇི་ལྟ་བུར་འགྱུར། བྱང་ཆུབ
iiif viewer powered by OpenSeadragon
