| e-texts navigator |
| Wylie |
63a1 དམུས་ལོང་གིས།། ལྟ་བའི་ཡུལ་རྣམས་བལྟ་འདོད་ཀྱང་།། དབང་པོ་ཉམས་པས་མཐོང་མི་འགྱུར།། དེ་བཞིན་ཆོས་དབྱིངས་ཟབ་མོ་ཡང་།། ལྷ་དམན་རྣམས་ཀྱིས་ག་ལ་མཐོང་།། ལམ་ལ་བགྲོད་པར་བྱ
63a2 མིན་ཕྱིར།། ཐོབ་པར་བྱ་བའི་གནས་མེད་པས།། ཅི་སྟེ་ལམ་ལ་བགྲོད་གྱུར་ན།། ཇི་ལྟར་བྱིས་པའི་རང་བཞིན་གྱིས།། ནམ་མཁའི་མཐའ་དག་བལྟ་འདོད་ན།། ནམ་མཁའ་མི་མཐོང་བྱིས་པ་ངལ།། དེ་བཞིན་ཆོས་ཉིད
63a3 ཟབ་མོ་ཡང་།། ནམ་མཁའི་མཐའ་བཞིན་ཐོབ་པ་མེད།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སེམས་དཔའ་ཆེན་པོ་གཟུངས་ཀྱི་རོལ་པའི་ལེའུ་སྟེ་བཅུ་གཅིག
63a4 པའོ།། །། དེ་ནས་འཁོར་ཚོགས་རྣམས་ཀྱིས་སྨྲ་བའི་དམ་པ་དེ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ་ཟབ་མོ་ནི་གང་། ཆོས་རྣམས་ཐམས་ཅད་ཡོངས་སུ་རྫོགས་པའི་དོན་གང་ལགས།། ཞེས་གསོལ
63a5 ཏོ།། དེ་ནས་བྱང་ཆུབ་ཀྱི་སེམས་རྡོ་རྗེ་དེས་བཀའ་སྩལ་པ།། ཆོས་ཀུན་རང་བཞིན་སྤྲོས་བྲལ་ཏེ།། བརྗོད་བྲལ་སྟོང་ཉིད་ལྷུན་གྱིས་གྲུབ། དེ་ཡང་ཅི་ཡི་ཕྱིར་ཞེ་ན།། ཆོས་ཉིད་དམིགས་པ་ཀུན་དང་བྲལ།། དེ་ལྟར་དེ
63a6 བཞིན་དེ་ཕྱིར་སྟོན།། དེ་ལ་དེར་སྟོན་དེ་ཡང་ཐོབ།། དེ་བཞིན་འགྲོ་ཀུན་དབྱིངས་སུ་མཉམ།། ཅི་ཕྱིར་དོན་ཉིད་མངོན་སུམ་མ་གྱུར་པ།། རང་བཞིན་ཆོས་ཉིད་སྟོན་བརྗོད་བྲལ།། དེ་ནི་སྙིང་པོ་དེ་བས་ན།། སེམས་ནི
iiif viewer powered by OpenSeadragon
