| e-texts navigator |
| Wylie |
62b1 བཞིན་བསྟན་དུ་གསོལ།། དེ་ནས་བྱང་ཆུབ་ཀྱི་སེམས་རྡོ་རྗེས་འདི་སྐད་བཀའ་སྩལ་ཏོ།། ཨ་ནི་ཆོས་སྐུ་དག་པ་སྟེ།། ཞི་བ་ཡུལ་མེད་དག་པའི་ངང་།། དེ་ལ་ཨ་ནི་ནུཏྤནྣ་སྭ་བྷཱ་ཝ་སྟེ།། ཆོས་ཀུན་རང་བཞིན་སྐྱེ་མེད་དག
62b2 པའི་ཀློང་།། ཟབ་མོ་ཐབས་ཀྱི་ཐུན་མོང་སྟེ།། གསང་བ་གནས་སུ་བཟུང་བ་ཡིན།། ཐམས་ཅད་བྱེད་པ་ཤེས་རབ་སྟེ།། ད་ནི་ཨ་དང་མཛེས་པའི་ཏ།། ས་དང་ཡན་ལག་སྤྲོས་པ་བཞིན།། བདག་གིས་ཤེས་རབ་གནས་པ
62b3 སྟེ།། ཐབས་ཀྱི་ཤེས་རབ་དམ་པ་སྟེ།། འགྲོ་བའི་བདེ་སྡུག་སྤྲོས་གནས་ཏེ།། བདག་དང་གཞན་གཉིས་ཀུན་ཏུ་བཟང་།། མ་བསླད་ཟབ་མོ་ཐུན་མོང་སྟེ།། འཇིག་རྟེན་ཡོངས་ཀྱི་སྤྱོད་ཡུལ་ལས།། སངས་རྒྱས་གསུང་ནི
62b4 ཟབ་མོ་འབྱུང་།། ཕྲ་ཞིང་ཟབ་མོ་རྙེད་དཀའི་ཕྱིར།། ཨེ་མ་ཧོ་སངས་རྒྱས་སྤྱོད་ཡུལ་འདི།། གཞན་ནས་རྙེད་པར་ག་ལ་འགྱུར།། བཙལ་བས་རྙེད་པའི་གླགས་མེད་དོ།། དམ་པའི་དོན་ལ་རྒྱ་ཆེར་དམིགས་མེད
62b5 པས།། སྤྱོད་ཡུལ་རང་བཞིན་རྙེད་པར་དཀའ།། ཡུལ་དྲུག་རང་བཞིན་སྟོང་པ་སྟེ།། དྲུག་གི་ཆོས་བཞིན་ཡུལ་མེད་པས།། དམིགས་པའི་ཡུལ་རྣམས་སྟོང་པའི་ཕྱིར།། ལྡོངས་པས་ནམ་མཁར་བསྙེགས་པ་བཞིན།། གོང
62b6 ནས་གོང་དུ་ཚངས་པའི་ལམ།། ཐོབ་པར་འདོད་པ་རྨོངས་པའི་ཕྱིར།། བྱ་བྲལ་ཆོས་དང་མཐུན་པ་མེད།། བརྒྱ་བྱིན་ཚངས་པ་འཁོར་ལོས་སྒྱུར་བའི་ལམ།། ལམ་དེ་ཐོབ་འདོད་བཅིང་བ་ཆེན་པོའི་ཕྱིར།། ཇི་ལྟར་འགྲོ་བ
iiif viewer powered by OpenSeadragon
