| e-texts navigator |
| Wylie |
62a1 འགྲོ་བའི་དོན་དུ་ཆོས་ཉིད་མངོན་པར་བྱང་ཆུབ་པ་ལས་བཞེངས་ཏེ། རྡོ་རྗེ་དབྱིངས་ཀྱི་སྙིང་པོ་ན་སེམས་ཅན་རྣམས་ལ་འདུལ་བར་དགོངས་ནས། ཤིན་ཏུ་བདེ་བ་ཆེན་པོ་མཉམ་པ་ཉིད་དུ་སྤྱོད་པའི་ཆོས
62a2 ཉིད་རང་གི་སྐུ་ལས་འདུས་མ་བྱས་པའི་རང་བཞིན། ཟླ་གསང་ཐིག་ལེའི་དཀྱིལ་ནས། གཟུངས་ཀྱི་རང་བཞིན་གྱི་དོན་མི་གཏོང་བ་དང་། དོན་དུ་མཛད་པ་དང་། དོན་ལྟར་སྟོན་པ་དང་། དོན་གྱི་རྗེས་འཇུག
62a3 པའི་ཐབས་ཀྱི་རང་བཞིན། ཡི་གེ་ཨཱ་ལི་ཀ་ལི་ཞེས་བསྟན་ཏེ། གཟུངས་ཀྱི་རོལ་པ་འདི་གསུངས་སོ།། རྟོག་མེད་མཉམ་པ་ཞི་བ་སྟེ།། རྟོག་མེད་མཉམ་ཉིད་ཆོས་ཀྱི་སྐུ།། བཟུང་བས་མི་ཟིན་ཆུ་ཟླ་འདྲ།། རྟོག་པ་མིང
62a4 དམིགས་མཚན་མ་ཞི།། ཨཱ་ལི་ཀཱ་ལི་མཉམ་སྦྱར་ནས།། ཨ་ཉིད་ཆོས་སྐུ་སྟོང་པའི་ངང་།། ཀུན་ཏུ་བཟང་པོ་རོལ་པའི་གཟུངས།། ཨཱ་ལི་ཀཱ་ལི་ཟབ་ཏུ་བསྟན།། བྱང་ཆུབ་ནམ་མཁའི་མཚན་ཉིད་དེ།། ནམ་མཁའ་ལ་ཡང
62a5 མཚན་ཉིད་མེད།། ཨ་ནི་སྟོང་དང་མི་སྟོང་གིས།། དབུ་མ་ཡང་ནི་ཡོད་མ་ཡིན།། ཞེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། འགྲོ་བའི་དོན་དུ་ཆོས་ཀྱི་དབྱིངས་ནས
62a6 བཞེངས་པའི་ལེའུ་སྟེ་བཅུ་པའོ།། །། དེ་ནས་འདུས་པའི་འཁོར་རྣམས་ཀྱིས། སྨྲ་བའི་དམ་པ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ། ཡི་གེའི་དོན་མ་སྐྱེས་པར་འཚལ་ན། ཡི་གེ་གཟུངས་ཀྱི་རང
iiif viewer powered by OpenSeadragon
