| e-texts navigator |
| Wylie |
61b1 རྒྱུ་མཐུན་ཞིང་།། བདེ་དང་སྡུག་བསྔལ་དོན་གྱི་དབྱིངས།། འགྲོ་བའི་མགོན་པོ་སེམས་དཔས་གསུངས།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། རྩོལ་བ་དང་བྲལ་བའི་ལེའུ་སྟེ་བརྒྱད
61b2 པའོ།། །། དེ་ནས་བྱང་ཆུབ་སེམས་དཔའ་རྡོ་རྗེ་དེས། འཁོར་རྣམས་ལ་འདི་སྐད་ཅེས་བསྒྲགས་སོ།། ཉོན་མོངས་དུག་གསུམ་འཁོར་བའི་རྒྱུད།། འཁོར་བ་རྣམས་ཀྱིས་ཇི་ལྟར་མཐོང་།། འདོད་ཆགས་ཞེ་སྡང་གཏི
61b3 མུག་རྣམས།། བྱིས་པ་རྣམས་ཀྱིས་འཁོར་བར་མཐོང་།། བྱང་ཆུབ་ཆེན་པོར་ལམ་ལ་བྱུང་།། དུག་གསུམ་བྱང་ཆུབ་ལམ་ཡིན་ཏེ།། ཀུན་སྤྱོད་ཡོན་ཏན་རྣམ་ལྔ་ཡང་།། འདོད་ཡོན་ལྔ་ཉིད་དག་པ་སྟེ།། ཆོས་ཉིད་དབྱིངས
61b4 ཀྱི་རྒྱུན་ཞེས་གསུངས།། ཀུན་བཟང་བདུད་རྩི་ཆོས་ཀྱི་སྐུ།། ནམ་མཁའ་རྟོག་པ་སྐྱེ་མེད་ཅིང་།། རྣམ་རྟོག་མེད་དེ་ཞི་བའི་སྐུ།། རྟོག་པ་དེ་ཉིད་ནམ་མཁའ་འདྲ།། འདས་དང་མ་འོངས་ད་ལྟར་རྟོག། དུག་གསུམ་རྟོག་པ
61b5 ནམ་མཁའ་འདྲ།། མི་ཆགས་ནམ་མཁའི་སྔོ་བ་ལ།། རྒྱུ་གཅིག་སེམས་རིག་དོན་ཅན་ཡིན།། རང་དོན་ཆེན་པོ་ནམ་མཁའ་འབྱུང་།། འབྱུང་ཚོར་རྟོག་པ་ཡོད་མ་ཡིན།། ཞེས་འབྱུང་ངོ་།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ
61b6 ཀྱི་སེམས་ལུང་ཆེན་པོའི་མདོ་ལས། རང་གསལ་ཡེ་ཤེས་འབྱུང་བའི་ལེའུ་སྟེ་དགུ་པའོ།། །། དེ་ནས་བཅོམ་ལྡན་འདས་ཐམས་ཅད་ཀྱི་བདག་པོ་ཆོས་ཉིད་གསང་བའི་སྐུ་ལས་མ་གཡོས་པར་བཞུགས་སོ།། དེ་ནས
iiif viewer powered by OpenSeadragon
