| e-texts navigator |
| Wylie |
61a1 དེ་ནས་འཁོར་དེར་འདུས་པ་རྣམས་ཀྱིས། སྨྲ་བའི་དམ་པ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ། བསམ་པའི་དོན་དང་བསམ་པའི་ཁྱད་པར་གང་ལགས། སྨྲ་བའི་དམ་པས་བཀའ་སྩལ
61a2 པ།། འདམ་དུ་བྱིང་བས་འགྲོ་བ་ཀུན།། ཡེ་ཤེས་བསམ་གཏན་སྤྱོད་པ་རྣམས།། ཡོན་ཏན་ཆེ་བའི་བསམ་གཏན་ནི།། བསམ་གཏན་ཉིད་པས་བསམ་དུ་མེད།། བསམས་པའི་བསམ་གཏན་བགྲོད་པ་མིན།། མ
61a3 བསམས་མ་སྦྱངས་ཆོས་བཞིན་དུ།། གཉིས་སུ་སྣང་བས་སྐྱོན་ཡིན་ཕྱིར།། རྣམ་རྟོག་ཉིད་ལས་ཡེ་ཤེས་སྐྱེ།། རྟོག་ཉིད་རང་བྱུང་ཡེ་ཤེས་ཡིན།། ཕྲ་བའི་སྒོ་མོར་མིང་བཏགས་ནས།། ཕྲ་མོ་ཡང་དག་སྒོ་མོ་འདི།། སེམས
61a4 ཀྱི་དབེན་པས་ལམ་ཚོལ་ཞིང་།། འཁྲུལ་པ་ཕྲ་མོས་བདེན་བསླད་དེ།། དགོན་པའི་རྒྱུད་དུ་དབེན་འཛིན་པ།། བརྟགས་ན་རྣམ་པར་རྟོག་འགྱུར་སྒོམ།། རྒྱུ་འབྲས་དོན་ཉིད་དབྱེར་མེད་ལ།། རྒྱུ་དང་འབྲས་བུར་མིང
61a5 འདོགས་ཤིང་།། དགེ་སྡིག་གཉིས་ཀ་རྣམ་པར་སེལ།། ཇི་ལྟར་བྱིས་པ་མི་ཤེས་པས།། ནམ་མཁའ་དག་ལ་མདུད་པ་འདོར།། དེ་ལ་མདུད་པ་འོང་མི་འགྱུར།། ཇི་ལྟར་ཆོས་ཉིད་དག་པ་ལ།། འཇིག་རྟེན་འདི་ལས
61a6 འབྱུང་ངོ་ཞེས།། བླང་དོར་བྲོད་པ་མཆོག་ཏུ་བསྐྱེད།། ཡང་དག་དེ་ལ་བླང་དོར་མེད།། ཆགས་དང་མ་ཆགས་ཚིག་གི་ལམ།། དབུ་མ་བཞིན་ཏེ་བྲག་ཆ་འདྲ།། གང་དུའང་མ་གྱུར་དག་པའི་ལམ།། བདེ་དང་སྡུག་བསྔལ
iiif viewer powered by OpenSeadragon
