| e-texts navigator |
| Wylie |
60b1 དོན།། རྒྱལ་བ་དཔའ་བོས་བཤད་དུ་གསོལ།། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་ཅང་མི་གསུང་བར་མཉམ་པའི་ངང་ལ་བཞུགས་སོ།། དེ་ནས་འདུས་པའི་འཁོར་ཚོགས་རྣམས་ཀྱིས་བྱང་ཆུབ
60b2 ཀྱི་སེམས་རྡོ་རྗེ་ལ་བཏུད་དེ།། དེ་ནས་སེམས་དཔས་བཀའ་སྩལ་པ།། ལས་ཀྱི་ཁྱད་པར་སྟོང་པ་སྟེ།། ཕྱིན་ཅི་ལོག་གིས་ལས་སུ་བརྟགས།། དེ་ཡང་ཡོད་པ་མ་ཡིན་ཏེ།། ཁྱད་པར་ཅི་ཡང་མཚུངས་པ་ལ།། ལས་སོ་ཞེས
60b3 ནི་རྣམ་པར་བརྟགས།། ཀུན་བཟང་བྱང་ཆུབ་མཚུངས་པར་གནས།། ལས་དེས་ཅི་ཕྱིར་འགྲོ་མི་འཁོལ།། གལ་ཏེ་ལས་ཀྱིས་འཁོལ་འགྱུར་ན།། དག་པའི་རང་བཞིན་ག་ལ་ཡོད།། ཉོན་མོངས་བྱང་ཆུབ་རང་བཞིན
60b4 ཏེ།། ལས་ཉིད་བསྟན་པ་ག་ལ་ཡིན།། ཅི་སྟེ་ལས་ཀྱི་དབང་འགྱུར་ན།། རྟོག་པ་དང་བྲལ་ཞི་བའི་ངང་།། རང་བྱུང་ཡེ་ཤེས་ཡོད་མ་ཡིན།། རྒྱུ་ཉིད་སྐྱེ་མེད་རྡོ་རྗེའི་དོན།། མི་གནས་སྐྱེ་མེད་རང་བཞིན་ནི།། རྒྱུ་ཉིད་རྡོ་རྗེ
60b5 རྐྱེན་དང་འདྲ།། ཡེ་གྲུབ་མ་ཡིན་སྙིང་པོའི་དོན།། མ་སྐྱེས་པས་ན་འཇིག་པ་མེད།། མི་སྐྱེ་མི་འགག་དོན་གྱི་ངང་།། གདོད་ནས་སྙིང་པོ་བྱང་ཆུབ་ལ།། འདུས་བྱས་རྩོལ་བ་བྲལ་བའི་ཕྱིར།། མཉམ་པའི་ཆོས་ཉིད་དམ་པ
60b6 དེ།། བཙལ་བའི་བསམ་པས་དབྱིངས་མི་བསྐྱོད།། ཅེས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། སེམས་ཀྱི་རང་བཞིན་ལས་ཀྱིས་མི་འཁོལ་བའི་ལེའུ་སྟེ་བདུན་པའོ།། །
iiif viewer powered by OpenSeadragon
