| e-texts navigator |
| Wylie |
60a1 སེམས།། བྱང་ཆུབ་རང་བཞིན་མ་རྟོགས་པས།། རྟོག་པ་ཕྲ་རགས་རྣམ་པར་འགྱུས།། རྟོག་པའི་རྣམ་པས་བྱང་ཆུབ་བསྒྲིབས།། བསྒྲིབས་པས་སྡུག་བསྔལ་སྣ་ཚོགས་ཡིན།། དཔེར་ན་འཇིག་རྟེན་གྲིབ་མ
60a2 ཡིས།། སྣང་བ་གསལ་བ་བསྒྲིབས་པ་ལྟར།། དེ་ལྟར་དམ་པ་ཞི་བ་ཡང་།། གཟུང་འཛིན་དབང་གིས་བསྒྲིབས་པ་ཡིན།། བདེ་སྡུག་འཁོར་བ་རྩེད་མོ་འདྲ།། བདེ་སྡུག་འཁོར་བར་བྱིས་པས་མཐོང་།། འཁོར་བ་རྟོགས
60a3 པ་བྱང་ཆུབ་སྟེ།། ཀུན་ཏུ་ཆུབ་པས་རྣམ་པར་རོལ།། བདག་མེད་བདག་ཉིད་ལྷུན་གྱིས་རྫོགས།། གཉིས་མེད་དག་པས་བདེ་གནས་པས།། དེ་ལ་བསྐྱོད་པ་མེད་བཞིན་དུ།། ནམ་མཁའི་མཐའ་ལྟར་མཉམ་པར
60a4 གནས།། ཞི་བ་ཆེན་པོའི་རང་བཞིན་ནོ།། ཞེས་གསུངས་སོ།། ཨེ་མ་ཧོ་ནམ་མཁའི་དཀྱིལ་ན་ཟླ་མཛེས་ལྟར།། ཉི་མའི་ཟེར་ལྟར་ཀུན་ལ་ཁྱབ།། ཐུགས་རྗེ་ཆེན་པོ་འགྲོ་བའི་མགོན།། ཐུགས་རྗེའི་ངངལ་སྐྱབས་སུ
60a5 མཆི།། གསོལ་ཏོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བརྗོད་པ་དང་བྲལ་བའི་ལེའུ་སྟེ་དྲུག་པའོ།། །། དེ་ནས་བྱང་ཆུབ་ཀྱི་སེམས་རྡོ་རྗེ་ལ་སོགས་པ། འཁོར་ཚོགས་མི་ཕམ་པ
60a6 ལ་སོགས་པས། བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོའི་ཞལ་དུ། སེངྒེའི་ལྟ་སྟངས་ཀྱིས་བལྟས་ཏེ། འདི་སྐད་ཅེས་གསོལ་ཏོ།། འཁོར་བའི་ལས་རྣམས་ཇི་ལྟ་བུ།། འཁོར་བ་མྱ་ངན་འདས་པའི
iiif viewer powered by OpenSeadragon
