| e-texts navigator |
| Wylie |
5b1 སོ།། ཨེ་མའོ་སངས་རྒྱས་ཀུན་གྱི་ཐུགས།། འདུས་མ་བྱས་པའི་ངོ་བོ་ཉིད།། ཡེ་ཤེས་ལྔ་རུ་སྣང་བས་ན།། ཐུགས་ཀྱི་ཐུགས་ནི་བརྟན་པའོ།། ཞེས་གྲགས་སོ།། དེ་ནས་ཐུགས་དེ་ཉིད་སྤྲོ་བ་དང་བསྡུས་པའི་ངོ་བོར་མངོན
5b2 པར་འདུ་མཛད་པ་ལས་མི་བསྐྱོད་པའི་སྐུ་ཕྱག་རྒྱ་ཆེན་པོར་སྦྱོར་བའི་ཐབས་ཀྱིས་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ། སྟོན་པའི་ཞལ་དུ་བལྟས་ནས་འདི་སྐད་ཅེས་གླེངས་སོ།། ཨེ་མའོ་ང་ནི་རང་བྱུང
5b3 སྟེ།། བདེ་བ་ཐུགས་ཀྱི་མཚན་མ་ཡིན།། གཉེན་པོ་ཅིས་ཀྱང་མི་ཤིགས་པས།། བསྐྱོད་མེད་ཕྱག་རྒྱ་བསྟན་པ་ཡིན།། ཞེས་གླེང་སྟེ། ཨ། ཞེས་བརྗོད་ཅིང་སྐུ་གསུང་ཐུགས་རྡོ་རྗེའི་བདག་པོའི་སྐུ་གསུང་ཐུགས་ཉིད་ལ
5b4 བཞུགས་སོ།། དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས། ཐམས་ཅད་གནས་པར་འབྱུང་བ་རྡོ་རྗེའི་རྒྱན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས
5b5 སྐུ་གསང་བའི་སྙིང་པོ་འདི་ཕྱུང་ངོ་།། ཨོཾ་ཛི་ན་ཛི་ཀ། འདི་ཕྱུང་མ་ཟག་ཏུ་དེ་བཞིན་གཤེགས་པ་ཐམས་ཅད་གཏི་མུག་གི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས་སོ།། ཨེ་མའོ།
5b6 སངས་རྒྱས་ཐམས་ཅད་ཀྱི།། གསུང་ནི་གཏི་མུག་རྒྱལ་བ་སྟེ།། རྡོ་རྗེ་རྒྱལ་པོ་རྣམ་པར་དག། རྣམ་དག་གསུང་ནི་དྲི་མ་མེད།། ཅེས་གྲགས་སོ།། དེ་ནས་སྙིང་པོ་ཡི་གེ་དེ་དག་འཕྲོ་བ་དང་འདུལ་བ་ལས། ཐུགས་ཀྱི
iiif viewer powered by OpenSeadragon
