| e-texts navigator |
| Wylie |
5a1 ཕྱུང་ངོ་།། བྷྲཱུཾ་དེ་ནས་ཡང་ཆེད་དུ་བརྗོད་པ་འདི་བརྗོད་དོ།། ཨེ་མའོ་སངས་རྒྱས་ཐམས་ཅད་ཀྱི།། རྡོ་རྗེ་གསང་བ་མཆོག་གི་གནས།། འཁོར་ལོའི་རྒྱན་དང་རོལ་མོའི་རྒྱན།། འདོད་པའི་ཡོན་ཏན་ལྔ་ཡིས
5a2 གང་།། ཉི་ཟླ་གསལ་བའི་དཀྱིལ་འཁོར་ལྡན།། འོད་འཕྲོས་འབར་བས་ཕྱོགས་བཅུར་འཁྲིགས།། གྲུ་བཞི་སྒོ་ཁྱུད་རྣམས་ཀྱིས་མཛེས།། སྣ་ཚོགས་སངས་རྒྱས་ཀུན་གྱི་གནས།། ཞེས་གསུངས་སོ།། དེ་ནས་བཅོམ་ལྡན
5a3 འདས་བྱང་ཆུབ་ཀྱི་སེམས་རྡོ་རྗེ་དེས། ཏིཥྛ་བཛྲ་ཨ་ཞེས་བརྗོད་དེ་དཀྱིལ་འཁོར་ཆེན་པོའི་དབུས་སུ་བཞུགས་པར་གྱུར་ཏོ།། དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས་ཐམས་ཅད་མ་ལུས་པའི་ཚུལ་རྡོ་རྗེ
5a4 ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་གསང་བའི་སྙིང་པོ་འདི་ཕྱུང་ངོ་།། ཧཱུཾ་བཛྲ་དྷྲྀཀ། དེ་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད། ཞེ་སྡང་གི་སྐུ་རྗེས
5a5 སུ་དྲན་ཏེ། སྔགས་ཀྱི་ཡི་གེ་འཕྲོས་འདུས་པས། ཡིག་འབྲུ་ལས་ཆོ་འཕྲུལ་གྱིས་སྒྲ་འདི་སྐད་ཅེས་གྲགས་སོ།། ཨེ་མའོ་སངས་རྒྱས་ཀུན་གྱི་གསུང་། བསྡུ་བའི་རྡོ་རྗེ་དེ་ཉིད་ནི།། ཞེ་སྡང་རྒུད་ཀྱིས་སངས་རྒྱས
5a6 རྣམས།། བསྐྱོད་མེད་ཡི་གེར་གནས་པའོ།། ཞེས་གྲགས་སོ།། དེ་ནས་སྙིང་པོ་ཡི་གེ་དེ་ཉིད་ཐུགས་ཀྱི་མཚན་མ་རྡོ་རྗེ་རྩེ་མོ་ལྔ་པ་ལྟ་བུར་གནས་པར་གྱུར་ཏོ།། རྡོ་རྗེ་དེ་ལས་ཆོ་འཕྲུལ་གྱི་སྒྲ་འདི་སྐད་ཅེས་གྲགས
iiif viewer powered by OpenSeadragon
