| e-texts navigator |
| Wylie |
59b1 བརྗོད་དུ་རྡུལ་ཙམ་མེད།། ཆོས་ཉིད་དམ་པ་བརྗོད་མེད་ལ།། བརྗོད་པར་འདོད་པ་གང་ཡིན་པ།། བྱིས་པ་བླུན་རྨོངས་མི་ཤེས་པས།། ནམ་མཁའ་དག་ལ་གནས་འདོད་འདྲ།། དེ་ཕྱིར་རྩོལ་མེད་བསྒོམ་པ་ཡིན།། ཞེས
59b2 གསུངས་སོ།། དེ་ནས་འཁོར་རྣམས་དམ་པར་གྱུར་ཏེ།། ཨེ་མ་ཧོ་སེམས་དཔའ་ཆེན་པོ་དམ་པའི་མཆོག། ཐུགས་རྗེ་ཆེན་པོ་སྐྱབས་མཛད་པ།། ཇི་ལྟར་ནད་པ་གདུངས་པ་ལ།། ཇི་བཞིན་སྨན་པ་དོན་ལྡན་གྱིས།། ནད
59b3 ཀྱི་རྣམ་པ་གང་ཡིན་པར།། སྨན་དཔྱད་གཉེན་པོ་བཏང་བ་བཞིན།། ཇི་ལྟར་འཁོར་བའི་སྡུག་བསྔལ་ལ།། འཁོར་བ་དག་ཕྱིར་རྣམ་གྲོལ་བཤད།། དག་པ་ཆེན་པོ་ཨ་ཨ་ལ་ལ།། ཞེས་གསོལ་ཏོ།། རྒྱུད་ཀྱི་རྒྱལ་པོ་ཆེན
59b4 པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། བཙལ་བ་མེད་པའི་ལེའུ་སྟེ་ལྔ་པའོ།། །། དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ
59b5 བྱང་ཆུབ་ཀྱི་སེམས་ཀྱི་དོན་ཇི་ལྟ་བུ་ལགས།། འགྲོ་བའི་སྡུག་བསྔལ་ནི་གང་ལགས། དེ་ནས་སེམས་དཔའ་ཆེན་པོས་བཀའ་སྩལ་པ།། སེམས་ཀྱི་ཆོས་ཉིད་སྟོང་པ་ལ།། དངོས་པོར་བརྗོད་པ་ལྟ་བ་དམན།། དཔེར་ན
59b6 དམུས་ལོང་འཐིབས་པ་ཡིས།། བལྟ་བར་བྱ་བའི་ཡུལ་མི་མཐོང་།། ཇི་ལྟར་གཟུང་འཛིན་རྟོག་པ་ཡིས།། དོན་ཉིད་མཐོང་བར་ག་ལ་འགྱུར།། འགྲོ་བ་གང་ཡིན་བྱང་ཆུབ་སྟེ།། འགྲོ་བའི་སྡུག་བསྔལ་བྱང་ཆུབ
iiif viewer powered by OpenSeadragon
