| e-texts navigator |
| Wylie |
59a1 མེད།། ཆོས་ཉིད་རང་བཞིན་ནམ་མཁའི་ཚུལ།། རྟོག་པ་ཀུན་དང་ཡང་དག་བྲལ།། ཇི་བཞིན་རྟོག་པ་ཕྲ་བ་ཡིས།། རྟོག་པ་དེ་ཡི་མཚན་མ་ཞི།། རྟོག་པ་ཕྲ་རགས་ཉིད་ལས་འབྱུང་།། དེ་བཞིན་རྟོག་པའི
59a2 མཚན་མ་དེས།། དེ་མ་ཟག་ཏུ་རང་ལས་བྱུང་།། བྱ་བ་མེད་པའི་ཆོས་ཉིད་ནི།། ཆོས་རྣམས་ནམ་མཁའ་ལྟ་བུའི་ཆོས་ཉིད་ནི།། དེ་ལ་བཙལ་བར་བྱ་བ་མིན།། རྩོལ་བར་བྱེད་ན་སྡུག་བསྔལ་ཡིན། འཁོར་བའི་རྒྱ་མཚོ།
59a3 བརྒལ་བར་དཀའ།། བཙལ་དུ་མེད་པའི་ཆོས་ཉིད་ནི།། མ་བཙལ་བཞག་པས་བསྒོམ་པ་ཡིན།། ཆོས་ཉིད་ཇི་བཞིན་མཉམ་པའི་ཚུལ།། དམིགས་པ་མེད་པས་ཀུན་ཏུ་བཟང་།། མ་ཉམས་དང་བཞག་བསྒོམས་པ
59a4 ཡིན།། དེ་དང་དེར་ནི་རྣམ་བཙལ་ན།། དེ་ཡང་སྐྱེས་བུ་རྩལ་ཅན་གྱིས།། ཉིད་ལ་ཉིད་ཀྱིས་ག་ལ་དགོངས།། ཇི་ལྟར་མིག་གི་དབང་པོས་ཀྱང་།། དབང་པོ་རང་ཟད་ག་ལ་མཐོང་།། དེ་བཞིན་ཡང་དག་ཟབ་མོ
59a5 ཡང་།། དེ་ལས་དེ་བཞིན་དེ་མི་འབྱུང་།། མཚན་མའི་རྟོག་པ་ཐམས་ཅད་བྲལ།། མཚན་མའི་ཡུལ་རྣམས་བརྗོད་དུ་མེད།། གཞན་གྱིས་རྟོགས་དཀའ་ཟབ་མོའི་དོན།། མཆོག་ཏུ་གསང་བའི་ཆོས་ཉིད་ནི།། མི་དམིགས
59a6 རང་བཞིན་སྟོང་པའི་ངང་།། དེ་ཕྱིར་གསང་བ་དམ་པ་ཡིན།། མི་དམིགས་ཆོས་དབྱིངས་ཟབ་མོ་འདི།། རྣ་དབང་གཞན་ལས་ཐོས་མི་འགྱུར།། དེ་ཕྱིར་ཆོས་ཉིད་ཐོས་རྒྱུ་མེད།། དེ་བཞིན་ལྕེ་ཡི་དབང་པོས་ཀྱང་།། དེ་ལ
iiif viewer powered by OpenSeadragon
