| e-texts navigator |
| Wylie |
58b1 བཙལ་ན་དོན་གྱི་ངོ་བོ་ཇི་ལྟ་བུ།། དོན་གང་ལ་སྒྲིབ། ཆོས་ཉིད་ལ་ཐོག་མ་དང་ཐ་མར་མི་འགྱུར་རམ། སེམས་དཔའ་ཆེན་པོ་དོན་འདི་དག་བཤད་དུ་གསོལ། དེ་ནས་སྨྲ་བའི་དམ་པས་འདི་སྐད་ཅེས་བཀའ་སྩལ
58b2 ཏོ།། ཆོས་ཉིད་ངང་གི་ཆོ་འཕྲུལ་འབྱུང་།། ནམ་མཁའི་ངང་གིས་གཟུགས་རྣམས་མཐོང་།། ཆོས་དབྱིངས་ནམ་མཁའ་བཞིན་དུ་གནས།། ནམ་མཁའི་ཁམས་ལ་བཙལ་དུ་མེད།། དེ་བཞིན་ཆོས་དབྱིངས་བཙལ་དུ
58b3 མེད།། ཆོ་འཕྲུལ་ཆེན་པོ་དཀའ་བ་མིན།། ཇི་བཞིན་ཆོ་འཕྲུལ་ཆེན་པོ་ཞི།། ཆོས་དབྱིངས་དེ་བཞིན་ཉིད་མི་འགྱུར།། དེ་ནི་ཆོ་འཕྲུལ་དམ་པའོ།། ཐོབ་པར་བྱ་བའི་རྒྱུ་མེད་དེ།། ཐོབ་པའི་ཡོན་ཏན་བསྟན་པ
58b4 ཡང་།། ཐེག་དམན་རྣམས་ལ་བསྟན་པར་ཟད།། དཔེར་ན་བྱིས་པའི་རང་བཞིན་ལ།། སྒྱུ་མ་བསླུ་བས་བྲིད་པ་ལྟར།། ཐེག་པ་དམན་ལ་བདེ་གཤེགས་ཡོན་ཏན་བསྟན།། ཡོན་ཏན་ཀུན་གྱི་སྟོབས་ཀྱི་རྣམས།། ཐོབ་པར
58b5 བྱ་བ་ཡོད་མ་ཡིན།། མི་དམིགས་པ་ཡི་ཆོས་ཉིད་ལ།། དམིགས་པར་བྱ་བ་ཡོད་མ་ཡིན།། ཡང་དག་མ་མཐོང་ཐེག་དམན་དང་།། འཇིག་རྟེན་པ་དང་ལོག་ལྟ་དང་།། མི་ཤེས་བླུན་རྨོངས་རྨོངས་རྣམས་ཀྱིས།། འཇིག
58b6 རྟེན་སྒྱུ་མར་སྦྱོར་བ་ལ།། བདེ་སྡུག་འཁོར་བ་མྱ་ངན་འདས།། དེ་ལྟར་གཉིས་ཡོད་མ་ཡིན་ཏེ།། ལྷ་དམན་རྣམས་ཀྱིས་གཉིས་སུ་མཐོང་།། ཟབ་མོའི་རང་བཞིན་རྟོགས་པར་དཀའ།། ཟབ་མོའི་རང་བཞིན་དམིགས་པ
iiif viewer powered by OpenSeadragon
