| e-texts navigator |
| Wylie |
58a1 བསྟན།། ཡེ་ཤེས་དེ་ལ་ཆོས་ཉིད་ག་ལ་ཡོད།། ཤེས་རབ་ཐབས་ལ་བརྟེན་པས་འགྲུབ།། ལོངས་སྤྱོད་ཆོས་ཉིད་མི་དམིགས་མཉམ་པ་ཡིན།། དུས་གསུམ་མི་དམིགས་དོན་གྱི་མཆོག། མིང་ཙམ་གནས
58a2 པས་བསྟན་ནས་མཐོང་།། རང་རིག་ཡེ་ཤེས་བདེ་བ་ཆེ།། ཉིད་ལ་ཉིད་མཐོང་བདེ་བ་ཡིན།། མིང་ཙམ་གཞན་ལ་བསྟན་འདྲ་ཡང་།། གཞན་ནས་མ་བྱུང་དེ་ཉིད་ཡིན།། མངོན་སུམ་བདེ་བ་རང་ལས་བྱུང་།། བདེ་བ་གང
58a3 ཡིན་སྟོང་པ་ཡིན།། དེ་ལྟར་མཐོང་བ་དག་པ་ཡིན།། དག་པ་དེ་ཉིད་གྲོལ་བ་ཡིན།། ཞེས་གསུངས་སོ།། ཨེ་མ་ཧོ་ཆོས་ཀུན་རྒྱ་མཚོ་དག་པའི་གསུང་།། གཉིས་མེད་དོན་དམ་བཀོད་པའི་རྒྱན།། རྣམ་རྟོག་མི་མངའ་ཡེ
58a4 ཤེས་ཐུགས།། ངོ་མཚར་དམ་པ་སེངྒེའི་སྒྲ།། ཀུན་ལ་སྙོམས་མཛད་ཡེ་ཤེས་དང་།། དམིགས་པ་མེད་པས་ནམ་མཁའ་འདྲ།། ཀུན་ལ་སྙོམས་པས་ཉི་ཟླ་འདྲ།། ནམ་མཁའ་ལྟ་བུར་དམིགས་པ་མེད།། གཏེར་གྱི་བཅུད
58a5 འཛིན་སེངྒེའི་སྒྲ།། སྦས་པའི་དོན་སྟོན་གསུང་གི་མཆོག། སྨྲ་བའི་དམ་པ་དེ་ལ་བདག་ཅག་འདུད།། ཅེས་གསོལ་ཏོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། གཞན་པས་ཆེ་བའི་རང
58a6 བཞིན་གྱིས་ཆེ་བའི་ལེའུ་སྟེ་བཞི་པའོ།། །། དེ་ནས་འཁོར་དེར་འདུས་པ་རྣམས་ཀྱིས། བྱང་ཆུབ་ཀྱི་སེམས་རྡོ་རྗེ་ལ་འདི་སྐད་ཅེས་གསོལ་ཏོ།། སེམས་དཔའ་ཆེན་པོ་དོན་འདི་དག་བཙལ་ལམ་མི་བཙལ། མ
iiif viewer powered by OpenSeadragon
