| e-texts navigator |
| Wylie |
57b1 མདོ་ལས། རང་བཞིན་གྱི་ལེའུ་སྟེ་གསུམ་པའོ།། །། དེ་ནས་འཁོར་དེར་འདུས་པ་རྣམས་ཀྱིས་སེམས་དཔའ་ཆེན་པོ་ལ་གསོལ་པ། བདག་ཅག་གིས་ཡེ་ཤེས་ཀྱི་དོན་ཇི་ལྟར་རྙེད་པར་བགྱི་ལགས། ཐབས་ཇི་ལྟར
57b2 ལགས། དོན་ནི་གང་། རྙེད་པར་བྱ་བའི་རྒྱུ་ནི་ཇི་ལྟར་ལགས། དེ་ནས་བྱང་ཆུབ་སེམས་རྡོ་རྗེས་འདི་སྐད་ཅེས་བཀའ་སྩལ་པ། ཆོས་ཀུན་མཉམ་རྫོགས་ལྷུན་གྱིས་གྲུབ།། ཡོངས་སུ་རྫོགས་པས་རིན་ཆེན་གཏེར།། རང
57b3 བཞིན་མི་དམིགས་སྟོང་པའི་ངང་།། ཀུན་གཞིའི་རང་བཞིན་སྟོང་པ་སྟེ།། དངོས་པོ་ཐམས་ཅད་ཞི་བ་ཡིན།། དེ་ལྟར་མ་མཐོང་སྡུག་བསྔལ་ཏེ།། སྡུག་བསྔལ་རང་བཞིན་འཁོར་བར་འཁོར།། དེ་ལྟར་མི་ཤེས་བྱིས་པ
57b4 དག། ཇི་ལྟར་སྒྲིབས་ནས་གྲང་བ་ལ།། ཉི་མའི་འོད་མཆོག་སྤྲིན་གྱིས་བསྒྲིབས།། གྲང་བས་དེ་ཉིད་བསམ་འདོད་པ།། རང་གི་རྩལ་གྱིས་སྤྲིན་ལ་བུད་བྱས་ཀྱང་།། སྤྲིན་རྣམས་བསལ་བར་ག་ལ་འགྱུར།། དངོས་པོ
57b5 བརྟགས་པའི་མཚན་མ་ཡིས།། སྟོང་པའི་དོན་ནི་མི་སྟེར་རོ།། དེ་ཕྱིར་ཆེ་བའི་ཡོན་ཏན་མཆོག། ཆེ་བའི་ཡེ་ཤེས་རྙེད་དཀའ་བ།། ཟབ་ཅིང་ཕྲ་ལ་རྟོགས་པར་དཀའ།། ཆོས་ཉིད་མི་རྙེད་སྒྱུ་མར་བསྟན།། ཇི་ལྟར་སྒྱུ་མ
57b6 སྣང་གྱུར་ཡང་།། དེ་ལ་དངོས་པོ་ག་ལ་ཡོད།། ཡེ་ཤེས་བསྟན་ལས་སྒྱུ་མ་སྣང་།། ཇི་ལྟར་སྒྱུ་མ་བྱེད་པའི་སྐྱེས་བུ་ཡིས།། འགྲོ་བའི་རྒྱུད་རྣམས་སྣ་ཚོགས་བྱས།། སྒྱུ་མ་དེ་ལ་འགྲོ་བ་མེད།། འགྲོ་བའི་དོན་དུ་ཡེ་ཤེས
iiif viewer powered by OpenSeadragon
