| e-texts navigator |
| Wylie |
57a1 འདུས་པ་རྣམས་ཀྱིས་གསོལ་པ། སེམས་དཔའ་ཆེན་པོ། འདི་ལྟར་སྣང་བའི་ཆོས་ཐམས་ཅད་རང་བཞིན་གྱིས་སངས་རྒྱས་སོ་ཞེས་བགྱི་བའི་དོན་ཇི་ལྟ་བུ་ལགས། བདག་ཅག་ཐོས་པར་འཚལ་ལགས
57a2 ན། བདག་ཅག་ལ་རྒྱ་ཆེར་བཤད་དུ་གསོལ།། ཨ་ལ་ལ་ཧོ།། ཞེས་གསོལ་ཏོ།། དེ་ནས་བྱང་ཆུབ་ཀྱི་སེམས་རྡོ་རྗེ་དེས་འདི་སྐད་ཅེས་བཀའ་སྩལ་ཏོ།། ཉོན་ཅིག་འདུས་པའི་འཁོར་ཚོགས་རྣམས།། འཁོར་བ་ཐམས
57a3 ཅད་བྱང་ཆུབ་སྟེ།། འབྱུང་བ་ཆེན་པོ་བཅོམ་ལྡན་འདས།། ས་ཆུ་མེ་རླུང་ནམ་མཁའ་ཆེ།། དོན་ཉིད་ཡེ་ནས་སངས་རྒྱས་ཏེ།། སྣང་བ་ཉིད་ན་དག་པ་ཡིན།། སེམས་ཅན་ཐམས་ཅད་རང་བཞིན་གྲོལ།། དེ་ཕྱིར་ཆོས་ཉིད
57a4 གྲོལ་བ་ཡིན།། འགྲོ་བ་ཀུན་ལ་རང་བཞིན་གནས།། མི་ཤེས་པས་སུ་བསླད་མི་ནུས།། དེ་ལ་འཁྲུལ་འཁོར་འབྱུང་བ་མིན།། ཕྱིན་ཅི་ལོག་གི་རྗེས་མི་འབྲེང་།། ཕྱིན་ཅི་ལོག་ཏུ་རྣམ་བསླད་ཀྱང་།། གྲོལ་བ་རང་བཞིན
57a5 གཞན་ལས་མིན།། ཡང་དག་ཡེ་ཤེས་དག་པ་སྟེ།། ཆོས་རྣམས་ཐམས་ཅད་ངང་གིས་སྟོང་།། དེ་ཕྱིར་རང་བཞིན་བཅོམ་ལྡན་འདས།། ཞེས་གསུངས་སོ།། ཨེ་མ་ཧོ་རྒྱལ་བའི་སྲས་པོ་ཡོན་ཏན་མཆོག། རྒྱལ་བ་ཀུན
57a6 གྱི་ཐུགས་ཀྱི་གཏེར།། སེངྒེའི་སྒྲ་སྒྲོགས་གསང་སྔགས་སྟོན།། སངས་རྒྱས་ཀུན་གྱི་སྐུ་གསུང་ཐུགས།། ངོ་མཚར་ཆེ་ལ་བདག་ཅག་འདུད།། ཅེས་གསོལ་ཏོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི
iiif viewer powered by OpenSeadragon
