| e-texts navigator |
| Wylie |
55a1 སོ།། བཛྲ་ཀརྨ་ཙཀྲ་ས་ཏྭ་རཾ། སྨྲ་བའི་དམ་པ་དེས་སྨྲ་བའི་དབང་དམ་པ་ཐོབ་ནས། ཤིན་ཏུ་མི་བཟོད་པས་བག་དང་ལྡན་པར་བཞུགས་སོ།། ལན་རྣམ་པ་བཅུ་གཉིས་སུ་བསྐོར་བས། འཇིག་རྟེན་གྱི
55a2 ཁམས་ཐམས་ཅད་གཡོས་པར་གྱུར་ཏེ། ཞིང་ཁམས་ཐམས་ཅད་ནི་བདེ་བའི་གནས་སུ་གྱུར། བཅུད་ཐམས་ཅད་ནི་ཡང་དག་པའི་དོན་མཐོང་། རྔམས་པའི་ཚུལ་གྱིས་སྟོན་པའི་མདུན་ལོགས་སུ། སེངྒེ་རྡོ་རྗེས་མཚན
55a3 པའི་གདན་ལ་གནས་སོ།། དེ་ནས་འདུས་པའི་འཁོར་ཚོགས་ཀྱིས།། བཅོམ་ལྡན་འདས་ལ་འདི་སྐད་གསོལ།། ཨེ་མ་ཧོ་བཅོམ་ལྡན་ཡེ་ཤེས་བདག། བྱང་ཆུབ་སེམས་ནི་རྡོ་རྗེ་འདི།། མཐུ་ཆེ་བ་དང་བྱིན་རླབས་ཆེ།། རྒྱ
55a4 ཆེ་མཁས་པ་གསལ་ཞིང་ཟབ།། བཅོམ་ལྡན་ཐུགས་ལས་སྐྱེས་པ་ལགས།། ཞེས་གསོལ་པ་དང་། བཅོམ་ལྡན་འདས་ཀྱིས་བཤད་པ།། ཉོན་ཅིག་འདུས་པའི་འཁོར་ཚོགས་རྣམས།། བྱང་ཆུབ་སེམས་ནི་རྡོ་རྗེ
55a5 འདི།། བྱང་ཆུབ་སེམས་ཀྱི་ཕྱི་མོ་སྟེ།། སྙིང་རྗེ་ཀུན་གྱི་བདག་པོ་ཡིན།། སངས་རྒྱས་ཀུན་གྱི་རྗེ་བཙན་ཡིན།། བྱང་ཆུབ་རིག་འཛིན་རྣམས་ཀྱི་ཡབ།། རྣལ་འབྱོར་མེས་པོ་མྱ་ངན་འདས་པའི་དོན།། བདུད་ཀྱི་ཡང་བདུད
55a6 ཆོས་ཀྱི་མཛོད།། ཡེ་ཤེས་འབྱུང་གནས་ཆེན་པོར་གྱུར་པ་ཡིན།། དེ་ཅིའི་ཕྱིར་ཞེ་ན། སྔོན་མེད་མི་འབྱུང་ད་ལྟར་མཉམ་པའི་དུས།། འབྱམ་ཀླས་དུས་ན་མངོན་སངས་རྒྱས།། ཆོས་ལ་སྦྱོར་ཅིང་རྒྱལ་བའི་ཐུགས་ལས
iiif viewer powered by OpenSeadragon
