| e-texts navigator |
| Wylie |
54b1 བཅོམ་ལྡན་འདས་ཀྱིས་བྱིན་གྱིས་བརླབ་ཏུ་གསོལ།། ཞེས་གསོལ་པ་ལས།། བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས་ཞལ་གྱི་མདངས་ཕྱུང་སྟེ། ཡེ་ཤེས་ཀྱི་འོད་ཟེར་འཁྱིལ་པ་དང་། མཛེས་ཤིང་བདེ
54b2 བ་དང་ལྡན་པ་དང་། སྣོད་དུ་རུང་བ་རྣམས་སྦྱངས་ནས། འོད་ཟེར་རྣམས་གནས་སུ་ཐིམ་པར་གྱུར་ཏོ།། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས།། མི་གནས་ཡེ་ཤེས་ཀློང་ནས་བཞེངས་ནས
54b3 ནི།། སེངྒེ་བརྒྱལ་བའི་སྒྲ་ལྟ་བུ།། དོན་བཀོད་གསང་བའི་ངེས་པ་དང་།། རྒྱུད་འགྲེལ་རྟགས་ཀྱི་རོལ་པ་འདི།། རྡོ་རྗེ་བསྒྱིང་བའི་སྒྲ་འདིས་བཤད།། ཨ་ཨོ་ཨཽ་བོ་དྷི་ཙིཏྟ་ས་མ་ཡ་ཨ་ཏི་ཨ་ལ་ལ་ཧོ།། ཞེས་ཅང་མི་གསུང
54b4 ངོངོ།། མ་གསུང་པ་ཉིད་ན་རྒྱ་ཆེར་བཞུགས་སོ།། དེ་ནས་བྱང་ཆུབ་ཀྱི་སེམས་རྡོ་རྗེ་ལ་ཞལ་འཛུམ་པས་གཟིགས་སོ།། བྱང་ཆུབ་སེམས་རྡོ་རྗེ་དེས་བསྐུལ་བར་རིག་ནས་རང་གི་གནས་ནས་ལངས་ཏེ། རང་གི་མཚན་མ
54b5 གནས་སུ་བསམས་ཏེ་ལྕེ་ལ་རྡོ་རྗེ་བཞག་ནས། སྟོན་པའི་ཞལ་དུ་འབྲུ་ཚུགས་ཀྱིས་བལྟས་ཏེ་ཆོས་ཀྱི་རྒྱལ་པོ་ཚོགས་བདག་དགོངས་སུ་གསོལ།། མི་གསུང་ཆོས་ཀྱི་བདག་པོས་དགོངས་པ་བཤད་དུ་གསོལ།། ཨ་ལ
54b6 ལ་ཧོ་ཞེས་གསོལ་ཏོ།། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། སྨྲ་བའི་དམ་པ་དེ་བྱིན་གྱིས་བརླབ་པའི་ཕྱིར། རྡོ་རྗེ་རྣམ་པར་འཕྲོ་བའི་ཏིང་ངེ་འཛིན་ལ་ཞུགས་ནས་འདི་སྐད་གསུངས
iiif viewer powered by OpenSeadragon
