| e-texts navigator |
| Wylie |
54a1 གསུང་དབྱངས་གཅིག་ཏུ་སྒྲ་བསྒྲགས་སོ།། འཁོར་འབུམ་ཕྲག་བསམ་གྱིས་མི་ཁྱབ་པ་དང་། གདུལ་བྱ་སྣ་ཚོགས་བསམ་གྱིས་མི་ཁྱབ་པ་ཡང་སྤྲོ་བར་གྱུར། རིག་པའི་རྩལ་སྦྱངས་ནས། ངམ་ཞིང
54a2 མཚར་ཏོ།། འཁོར་རྣམས་ཀྱང་ཉེ་བར་གནས་སོ།། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། བྱང་ཆུབ་ཀྱི་སེམས་རྡོ་རྗེ་ལ་སོགས་ཏེ་འཁོར་རྣམས་སྦྱང་བའི་ཕྱིར། རྡོ་རྗེས་བརྒྱན་པ་ཞེས་བྱ་བའི
54a3 ཏིང་ངེ་འཛིན་ལ་སྙོམས་པར་བཞུགས་ནས། སྔགས་ཚིག་འདི་གསུངས་སོ།། ཨོཾ་ཧཱུཾ་སྭཱ་ཧྲཱིཿཱ་ཧཱུཾ་ཧཱུཾ་ཧཱུཾ།། རིགས་རྣམས་འདུ་བྱར་འདུས་པ་ཡི།། དམ་པ་ཆེན་པོའི་རིག་འཛིན་རྣམས།། བླ་འོག་རིམ་པ་ཇི་བཞིན
54a4 གནས།། རྡོ་རྗེ་གསང་བའི་གྲལ་ལ་འགོད།། མུ་སྟེགས་ཅན་དང་འཇིག་རྟེན་པ།། གང་དག་ལྷ་དམན་གྱུར་རྣམས་དང་།། རིགས་མ་ཡིན་པ་རིགས་མི་འགྱུར།། སྐལ་པ་བཟང་པོའི་དམ་ཚིག་འདི།། སྐལ་པ་ངན་པར
54a5 འབབ་མི་འགྱུར།། དེ་ལས་འདས་ན་དེ་བརླག་བྱེད།། ཨོཾ་ཨཱཿཧཱུཾ་ཀྲོ་དྷ་ཛ་ལ་ས་མ་ཡ། ཧཱུཾ་རཀྐ་ཛ་ལ་ས་མ་ཡ།། ཧཱུཾ་ཙིཏྟ་ཛ་ལ་ས་མ་ཡ།། ཧཱུཾ་ཡཀྵ་ཛ་ལ་ས་མ་ཡ་ཞེས་བརྗོད་པ་ཙམ་གྱིས།། ཞལ་ནས་འོད་ཟེར་སྣ་ཚོགས
54a6 བྱུང་།། སྤྲུལ་པའི་འོད་ཀྱི་ཕྲེང་བར་འབར།། གནོད་བྱེད་ཐམས་ཅད་བརླག་མཛད་དོ།། སྤྲོས་པའི་འོད་ཟེར་སླར་འཁྱིལ་པས།། འཁོར་རྣམས་དག་ཀྱང་ཤིན་ཏུ་སྐྲག། ཨེ་མ་ཧོ་ཨེ་མ་ཧོ་ངོ་མཚར་ཆེ།། བདག་ཅག
iiif viewer powered by OpenSeadragon
