| e-texts navigator |
| Wylie |
53a1 གསོལ།། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། གསོལ་པ་མཁྱེན་ནས་རྩེ་གཅིག་པ་དེ་ཁོ་ན་ཉིད་རོལ་པའི་ཏིང་ངེ་འཛིན་ལ་གནས་ནས། ཅང་མི་གསུང་བར་མཉམ་པ་ལ
53a2 བཞུགས་སོ།། དེ་ནས་ཡུམ་ཆོས་ཀྱི་དབྱིངས་ཕྱུག་མ་དང་། བྱང་ཆུབ་ཀྱི་རྡོ་རྗེ་ལ་སོགས་པ། འཁོར་རྡུལ་སྙེད་ངོ་མཚར་དུ་གྱུར་ཏེ། དེ་དག་གིས་མགྲིན་གཅིག་ཏུ་གསོལ་པ། ཨེ་མ་ཧོ་ཡིད་བཞིན་ནམ་མཁའ་ལྟ་བུའི
53a3 དང་།། ཁྱབ་པའི་བྱིན་རླབས་རྡོ་རྗེ་བརྗིད་པའི་སྐུ།། སྤྲིན་ཕུང་རོལ་པས་རྡོ་རྗེ་བསྒྱིངས་པའི་སྐུ།། ཐོགས་མེད་རོལ་པས་ཆོ་འཕྲུལ་སྟོན་པར་མཛད།། ཨེ་མ་ཧོ།། གསུང་མཆོག་སྒྲ་སྒྲོགས་སྙན་པ་ལྟ་བུ་ལས།། རྡོ་རྗེ
53a4 བརྗོད་མཛད་སྒྲ་རྣམས་བརྗོད་པ་མཛད།། གསུང་གི་ཡན་ལག་རྒྱ་མཚོ་བཀོད་པའི་གསུང་།། སེངྒེའི་སྒྲ་སྒྲོགས་གསང་སྔགས་ངེས་པར་སྟོན།། ཨེ་མ་ཧོ་ཡིད་བཞིན་རིན་ཆེན་གཏེར་ཆེན་ལྟ་བུ་ལས།། རྡོ་རྗེའི་བྱིན
53a5 རླབས་བདེ་བའི་མཆོག། ཡེ་ཤེས་ཐིག་ལེ་སྤྲོས་བྲལ་མི་རྟོག་ཟུགས།། རྣམ་གྲོལ་དེ་ཉིད་ངེས་པའི་ཆོ་འཕྲུལ་སྟོན།། ཨེ་མ་ཧོ་སྡུག་བསྔལ་མི་ཟད་འཁོར་བ་འདི།། ཐོབ་པའི་བདེ་བ་མ་ཐོབ་འགྲོ་བའི་རྒྱུད།། མཐོ་རིས
53a6 བདེ་བ་མ་ཐོབ་ངན་སོང་གནས།། ཡང་དག་དོན་རྣམས་བདག་ལ་བསྟན་དུ་གསོལ།། ཉོན་མོངས་མི་ཤེས་འགྲོ་བ་རྣམས།། སྡུག་བསྔལ་རྒྱ་མཚོས་བཅིངས་པ་དོན་གྱིས་ཁྲོལ།། མ་རིག་མུན་པས་ལྡོངས་པ་གསལ་བར
iiif viewer powered by OpenSeadragon
