| e-texts navigator |
| Wylie |
52a1 གོ། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས་དགོངས་པ་མཉམ་པ་ཉིད་ཆོས་ཀྱི་དོན་མ་ལུས་པར་མཉམ་པར་མཁྱེན་ནས། སྐུ་གསུང་ཐུགས་མཉམ་པ་ཉིད་མི་དམིགས་པའི་ངང
52a2 ལ་སྙོམས་པར་གནས་སོ།། རྣམ་རྟོག་མི་མངའ་འཇུག་ལྡོག་ཐམས་ཅད་དང་བྲལ་ནས་བཞུགས་སོ།། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེ་ཆོས་ཀྱི་དབྱིངས་ལས་མ་གཡོས་པར། ཡུམ་ཆོས
52a3 ཉིད་ཀུན་ཏུ་བཟང་མོས་གསོལ་པ། ཆོས་སྐུ་རྣམ་དག་ནམ་མཁའི་དྲི་མེད་ནམ་མཁའ་ལྟ་བུའི་དངོས།། ཡོད་མེད་མཐའ་ལས་གྲོལ་བས་སྟོང་པའི་ངང་།། བརྗོད་བྲལ་མཐའ་ལས་འདས་པས་ནམ་མཁའི་ཚུལ།། དངོས
52a4 པོ་ཀུན་བྲལ་བརྟགས་པའི་ཡུལ་ལས་འདས།། མི་གནས་མི་དམིགས་ནམ་མཁའི་དབྱིངས་ནས་བཞེངས།། ཞེས་གསོལ་པས། དེ་ནས་བཅོམ་ལྡན་འདས་ཡེ་ཤེས་ཐམས་ཅད་ཀྱི་བདག་པོ་དེས། ཆོས་རྣམས་ཐམས
52a5 ཅད་ནམ་མཁའ་ལྟར་མཁྱེན་ནས་སྣང་བ་མེད་པ་ལས་རྡོ་རྗེ་ལྟ་བུའི་སྐུར་བསྟན་ཏེ། འཇིག་རྟེན་ཉི་ཟླ་སྒྲིབ་པ་མེད་པར་ཤར་བ་ལྟ་བུའོ།། དེ་ནས་ཡུམ་ཆོས་ཉིད་ཀུན་ཏུ་བཟང་མོ་ལ་གཟིགས་ཏེ་ཞལ་བཞེད་པར་མཛད
52a6 པས། ཉི་མ་འབུམ་ལས་འོད་ཟེར་བྱུང་བ་ལྟ་བུའོ།། འོད་ཟེར་དེ་དག་ལས་ཀྱང་བྱང་ཆུབ་ཀྱི་སེམས་ཀྱི་སྤྲིན་མངོན་པར་བྱུང་བས། རོལ་པ་སྣ་ཚོགས་ཀྱི་མཆོད་པ་བྱུང་ནས། བདེ་བའི་དགའ་བ་ལ་གནས་པར་མཛད
iiif viewer powered by OpenSeadragon
