| e-texts navigator |
| Wylie |
51b1 དང་། ཐབས་དང་ཤེས་རབ་ཀྱི་རྒྱན་དང་། རྡོ་རྗེའི་རྒྱན་ལ་སོགས་ཏེ་ཡེ་ཤེས་སྒོ་ཀུན་ཏུ་གསལ་བར་གྱུར་པའི་གནས་ན། བཅོམ་ལྡན་འདས་རྣམ་ཤེས་རྡོ་རྗེ་ཞེས་བྱ་བ་དང་། བཅོམ་ལྡན་འདས་ཚོར་བ་རྡོ་རྗེ་ཞེས་བྱ་བ
51b2 དང་། བཅོམ་ལྡན་འདས་འདུ་ཤེས་རྡོ་རྗེ་ཞེས་བྱ་བ་དང་། བཅོམ་ལྡན་འདས་འདུ་བྱེད་རྡོ་རྗེ་ཞེས་བྱ་བ་དང་། བཅོམ་ལྡན་འདས་གཟུགས་རྡོ་རྗེ་ཞེས་བྱ་བ་དང་། ཡུམ་ཆེན་མོ་རྡོ་རྗེ་དབྱིངས་ཕྱུག་མ་དང་། ཡུམ་ཆེན་མོ
51b3 རིན་ཆེན་དབྱིངས་ཕྱུག་མ་དང་། ཡུམ་ཆེན་མོ་པདྨའི་དབྱིངས་ཕྱུག་མ་དང་། ཡུམ་ཆེན་མོ་ལས་ཀྱི་དབྱིངས་ཕྱུག་མ་དང་། ཡུམ་ཆེན་མོ་ནམ་མཁའི་དབྱིངས་ཕྱུག་མ་ཞེས་བྱ་བ་ལ་སོགས་ཏེ། སེམས་དཔའ་ཆེན་པོ་བྱང
51b4 ཆུབ་ཀྱི་སེམས་རྡོ་རྗེ་དང་། བྱང་ཆུབ་ཆེན་པོ་ཀུན་ཏུ་བཟང་དང་། བྱང་ཆུབ་ཆེན་པོ་ཐུགས་རྗེ་གཟིགས་དང་། བྱང་ཆུབ་ཆེན་པོ་དྲག་ཤུལ་རྡོ་རྗེ་དང་། བྱང་ཆུབ་ཆེན་པོ་སྒྲིབ་པ་སེལ་བྱེད་དང་། བྱང་ཆུབ་ཆེན་པོ་མཁྱེན
51b5 རབ་གཞོན་ནུ་དང་། བྱང་ཆུབ་ཆེན་པོ་བརྟན་པའི་སྙིང་པོ་དང་། བྱང་ཆུབ་ཆེན་པོ་སྣང་བའི་སྙིང་པོ་དང་། དེ་དག་ལ་སོགས་ཏེ་བྱང་ཆུབ་སེམས་དཔའི་འཁོར་ཚོགས་ཐམས་ཅད་དང་། གཞན་ཡང་བུད་མེད་ཀྱི་འཁོར
51b6 ཚོགས་ཐམས་ཅད་ཀྱི་དཀྱིལ་ན། བསྙེངས་པ་མི་མངའ་བར་རྡོ་རྗེའི་གདན་མི་ཕྱེད་པ་ལ་བཞུགས་ཏེ། ཡུམ་ཆེན་མོ་ཆོས་ཉིད་ཀུན་ཏུ་བཟང་མོས་ཉིད་ཀྱི་སྐུ་ལ་འཁྲིལ་ཏེ། ཉིད་ཀྱི་ཉིད་ལ་བལྟས་ནས་ཐབས་གཅིག
iiif viewer powered by OpenSeadragon
