| e-texts navigator |
| Wylie |
50b1 སྦྱོར།། གཉིས་མེད་ཐིག་ལེ་བྱང་ཆུབ་དག་པའི་སྐུ།། བྱང་ཆུབ་རྡོ་རྗེ་ཁྱོད་ལ་ཕྱག་འཚལ་བསྟོད།། ཨེ་མའོ་རོལ་པའི་རྫུ་འཕྲུལ་ཆེ་ལ་མངའ་བརྙེས་པ།། བཀའ་ཡི་འཁོར་ལོ་གསང་བའི་སྒྲ་སྒྲོགས་པ།། ཐུགས་རྗེའི་ཆོ
50b2 འཕྲུལ་ཆོས་ཀྱི་ཆར་ཡང་འབེབས།། གསང་སྔགས་བདག་པོ་མཆོག་ལ་ཕྱག་འཚལ་བསྟོད།། ཨེ་མའོ་དུས་གསུམ་བདེར་གཤེགས་ཀུན་གྱི་ཐུགས་ཀྱི་ཐུགས།། མི་ནུབ་ཆོས་ཀྱི་རྒྱལ་མཚན་འཛིན་བྱེད་པ།། སྨྲ་བའི་སེངྒེ
50b3 ཆེན་པོར་དབང་བསྐུར་བ།། རྡོ་རྗེ་ཀུན་བཟང་ཁྱོད་ལ་ཕྱག་འཚལ་བསྟོད།། ཨེ་མའོ་གསུང་གི་ཐིགས་པ་བདུད་རྩིའི་ཀློང་།། ལུང་དང་མན་ངག་གཏན་ཚིགས་ཀུན་གྱི་མཛོད།། དུས་གསུམ་རྣལ་འབྱོར་དབང་ཕྱུག
50b4 བགྲོད་པའི་ཤུལ།། འོག་མ་ཟིལ་གནོན་སེངྒེ་ལྟ་བུའི་སྒྲ།། དོན་གྱི་མཛོད་དུ་མིག་གི་སྒྲོན་མར་སྣང་།། བདུད་རྩི་ཐིགས་པའི་མཛོད་ལ་ཕྱག་འཚལ་བསྟོད།། ཨ་ལ་ལ་ཧོ་ཞེས་བསྟོད། དེ་ནས་བཅོམ་ལྡན་འདས་གསང
50b5 བ་མཆོག་གི་བདག་པོ་ནི་དགོངས་པ་ཆོས་ཀྱི་དབྱིངས་ཞི་བ་ཆེན་པོ་ལ་བཞུགས་སོ།། འདུས་པའི་འཁོར་ཚོགས་རྣམས་ནི་ཆེ་བའི་དོན་ལ་ངམ་ཞིང་རིག་པའི་རྩལ་སྦྱངས་ཏེ། བཅོམ་ལྡན་འདས་གསང་བ་མཆོག་གི
50b6 བདག་པོའི་ཐུགས་སུ་ཞུགས་ཏེ་མི་སྣང་བར་གྱུར་ཏོ།། ལ་ལ་ནི་གསང་བའི་མདོ་འདི་ལ་རྗེས་སུ་ཡི་རང་ཞིང་མངོན་པར་བསྟོད་དོ།། རྒྱུད་ཀྱི་རྒྱལ་པོ་དེ་བཞིན་གཤེགས་པ་ཐམས་ཅད་ཀྱི་གསང་བ་དུར་ཁྲོད་བྱུག
iiif viewer powered by OpenSeadragon
