| e-texts navigator |
| Wylie |
50a1 སྐྲག་པ། དོན་དུ་གཉེར་བ་ཆུད་མི་གསོན་པ། ཕྱི་རོལ་གྱི་སྡེ་པ་གཞན་གྱི་ཁར་མི་གཏོང་བའི་སྤྱོད་ཡུལ་ཡིན་པའི་ཕྱིར་ཏེ། བསམ་པ་ལོག་པ་ཅན་རྣམས་ཀྱི་ནི་མ་ཡིན། སྒྲིབ་པ་ཟུག་ཅིང་བློ་ཞན་པ་རྣམས
50a2 ཀྱི་ནི་མ་ཡིན། དེ་བཞིན་དུ་ཡིད་གཉིས་ཅན་དང་། འཇུངས་པའི་བསམ་པ་ཅན་དང་། བླ་མ་ལ་མི་གུས་ཤིང་། ཟབ་མོའི་ཆོས་ལ་བཟོད་པ་མ་ཐོབ་པ་དང་། ཉམས་སུ་ལེན་པ་ཆུད་ཟ་བར་བྱེད་ཅིང་གཞན་གྱི་སྡེ་པ་ལ
50a3 དགའ་བའི་བསམ་པ་ཅན་རྣམས་ཀྱི་རྣ་ལམ་དུ་འགྲོ་བ་ནི་མ་ཡིན་ཏེ་དེ་བས་ན་ཤིན་ཏུ་ཡང་དཀོན་ནོ།། དེ་ནས་འདུས་པའི་འཁོར་ཚོགས་མ་ལུས་པ་རྣམས་ཀྱིས་ཡང་དང་ཡང་དུ་བསྐོར་ཞིང་ཡང་དང་ཡང་དུ་རྨད་དུ་བྱུང
50a4 བའི་མཆོད་པ་རྒྱས་པ་དེ་ཁོ་ན་ཉིད་ཀྱི་མཆོད་དེ། བཅོམ་ལྡན་འདས་གསང་བ་མཆོག་གི་བདག་པོ་དང་། སྡུད་པ་པོ་རྡོ་རྗེ་ཡིད་ཀུན་ཏུ་བཟང་པོ་རྡོ་རྗེ་ཆོས་དང་། གསང་བའི་མདོ་འདི་ཉིད་ལ་མངོན་པར་བསྟོད་པ། ཨེ
50a5 མའོ་བདུད་བཞི་རྣམ་པར་བཅོམ་ནས་ཡོན་ཏན་དྲུག་ལྡན་པ།། ཡོད་མེད་མཚན་མ་དངོས་པོའི་མཐའ་ལས་འདས།། དོན་དམ་ཐུགས་ནི་རྟོགས་དཀའ་ཤིན་ཏུ་གསང་།། གསུང་ནི་གསང་སྔགས་འབྲས་བུ་ཀུན་གྱི
50a6 མཆོག། མ་ལུས་ཀུན་ལ་མངའ་བརྙེས་བདག་པོའི་སྐུ།། བཅོམ་ལྡན་གསང་བདག་ཁྱོད་ལ་ཕྱག་འཚལ་བསྟོད།། ཨེ་མའོ།། གསང་བདག་དགྱེས་པ་ཡུམ་གྱི་དཀྱིལ་འཁོར་ན།། དུས་གསུམ་འདུ་འབྲལ་མེད་པར་རྟག་ཏུ
iiif viewer powered by OpenSeadragon
