| e-texts navigator |
| Wylie |
4b1 མཆོག། དྲི་མེད་སྐྱོན་བྲལ་པདྨའི་འོད་ཟེར་ལས།། མུ་ཏིག་དྲི་མེད་བསིལ་བའི་འོད་ཟེར་སྤྲོས་ཧོ།། ཡང་ཐབས་མཆོག་ཡབ་ཀྱི་བྱང་ཆུབ་སེམས་ལས། ཆགས་པ་ཡུམ་གྱི་བྱང་ཆུབ་སེམས་ལ་བསྐུལ་བའི་ཆོ་འཕྲུལ་གྱི་སྒྲ
4b2 འདི་སྐད་ཅེས་གྲགས་སོ།། ཨ་ཧོ།། གསལ་ཞིང་དག་པ་ཟླ་བའི་དཀྱིལ་འཁོར་ནི།། སྐྱོན་གྱིས་མ་གོས་རྣམ་དག་བྱང་ཆུབ་སེམས།། དུས་གསུམ་རྒྱལ་བ་རྣམས་ཀྱི་ཐུགས་ཉིད་དེ།། བསིལ་བའི་འོད་ཟེར་པདྨའི་གནས
4b3 སུ་སྤྲོ།། ཧོ་ཞེས་སྤྲོས་ཞིང་བསྐུལ་ལོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་སྤྲོ་བསྡུ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཡང་ཆེད་དུ་བརྗོད་པ་འདི་བརྗོད
4b4 དོ།། ཨེ་མའོ།། བདེ་མཆོག་བདེ་བའི་བྱང་ཆུབ་སེམས་ནི་རབ་འཕྲོས་པས།། སངས་རྒྱས་ཀུན་གྱི་ཐུགས་བསྐུལ་ཞིང་།། འགྲོ་བ་ཀུན་གྱི་རྒྱུད་སྦྱངས་ཏེ།། སླར་བསྡུས་དབྱིངས་སུ་ཐིམ་པ་ལས།། བྱང་ཆུབ་སེམས
4b5 ཀྱི་ཐིག་ལེར་གསལ།། ཐིག་ལེའི་འོད་ཀྱིས་ཁྱབ་པ་ལས།། བྱང་ཆུབ་སེམས་ཀྱིས་ཀུན་ཏུ་ཁྱབ།། ཅེས་གསུངས་སོ།། དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་བྱང་ཆུབ་ཀྱི་སེམས་སུ་གནས
4b6 སོ། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བཙུན་མོའི་བྷ་ག་ལས། དམ་ཚིག་ཆེན་པོའི་ཕོ་བྲང་གྲུ་བཞིར་བྱིན་གྱིས་བརླབ་པའི་ཕྱིར་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་སྙིང་པོ་འདི
iiif viewer powered by OpenSeadragon
