| e-texts navigator |
| Wylie |
4a1 དང་གར་དང་བཏེག་པ་དང་བསྟིམ་པ་དང་སྦྱོར་བ་དང་། འཁྱུད་པའི་ཚུལ་རྣམ་པར་རོལ་པས། ཡུམ་ཀུན་ཏུ་བཟང་མོ་ལ་སྨིན་རིང་བསྐུར་ཅིང་། སྤྱན་ཟིམ་བག་གི་ཚུལ་གྱིས་གཟིགས་ཏེ། ཡང་ཆགས་པ
4a2 ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ་ཅང་མི་གསུང་བར་གྱུར་ཏོ།། དེ་ནས་ཡང་ཡུམ་ཀུན་ཏུ་བཟང་མོས་ཞལ་འཛུམ་བག་དང་བཅས་ནས་ཆགས་པའི་གླུ་འདིས་བསྐུལ་ཏེ། ཨེ་མའོ།། རོལ་པའི་ཆོ་འཕྲུལ
4a3 འབར་བའི་སྐུ་མཆོག་ལས།། ཁྱབ་པའི་བྱིན་རླབས་རྡོ་རྗེའི་གར་མཛད་ཅིང་།། གསང་བ་བྷ་ག་ཡངས་པའི་མཁའ་དཀྱིལ་དུ།། རེ་སྐོང་བདུད་རྩིའི་ཆར་ཆེན་དབབ་ཏུ་གསོལ།། ཨ་ལ་ལ་ཧོ།། ཞེས་རྣམ་པར་བསྐུལ
4a4 བས། བཅོམ་ལྡན་འདས་གསང་བ་མཆོག་གི་བདག་པོ་དེས། གཉིས་སུ་མེད་པར་རོལ་པའི་ཚུལ་གྱིས་གར་མཛད་ཅིང་། རྡོ་རྗེའི་གླུ་འདི་བླངས་སོ།། ཨ་ཧོ།། བདེ་མཆོག་འདུ་འབྲལ་མེད་པའི་དབྱིངས་ཉིད
4a5 ནི།། འཛུམ་ཞིང་འཁྱིལ་བ་པདྨའི་བྷ་ག་རུ།། དགའ་མཆོག་རྡོ་རྗེ་གསང་བའི་བྱང་ཆུབ་སེམས།། དྲི་མེད་རིན་ཆེན་ཆར་འབབ་རྒྱུན་མི་འཆད།། ཧོ་ཞེས་གསུངས་སོ།། དེ་ནས་ཆགས་པ་ཡུམ་གྱི་བྱང་ཆུབ་སེམས
4a6 ཀྱིས་ཐབས་མཆོག་ཡབ་ཀྱི་བྱང་ཆུབ་སེམས་ལ་བསྐུལ་བའི་ཆོ་འཕྲུལ་གྱི་སྒྲ་འདི་སྐད་ཅེས་བསྒྲགས་སོ།། ཨ་ཧོ། ཆགས་པ་ཆེན་པོ་དབང་གི་བྱང་ཆུབ་སེམས།། དུས་གསུམ་བདེར་གཤེགས་རྣམས་ཀྱི་རྩ་གཞི
iiif viewer powered by OpenSeadragon
