| e-texts navigator |
| Wylie |
49a1 དཔོན་དེ་ལ། བདག་ཅག་རྣམས་ཀྱིས་ཇི་ལྟར་བལྟ་བར་བགྱི། དེའི་ཡོན་ཏན་གྱི་ཚད་ནི་ཇི་ལྟར་ལགས། གསང་བ་འདི་ལ་མོས་ཤིང་མ་ནོར་བར་འཛིན་པའི་གང་ཟག་དམ་པ་དེའི་འབྲས་བུ་དང་། རྣམ
49a2 པར་སྨིན་པ་ཅིར་འགྱུར། བདག་ཅག་རྣམས་ཀྱིས་ཇི་ལྟར་བལྟ་བར་བགྱི། གསང་བ་མཆོག་གི་བདག་པོས་བཀའ་སྩལ་པ། དེའི་ཕྱིར་སེམས་དཔའ་ཆེན་པོ་ཉོན་ཅིག། བླ་མ་རྡོ་རྗེ་སློབ་དཔོན་དེ་ནི། ཁྱོད་ཀྱིས་སེམས
49a3 ཅན་ལྟ་བུར་མི་བལྟ་སྟེ། ཡང་དག་པར་རྫོགས་པའི་སངས་རྒྱས་ཉིད་དུ་བལྟའོ།། བྱང་ཆུབ་སེམས་ཉིད་དུ་བལྟའོ།། ང་གསང་བ་མཆོག་གི་བདག་པོ་ཉིད་དུ་བལྟའོ།། དེ་ཅིའི་ཕྱིར་ཞེ་ན། ཡང་དག་པར་རྫོགས་པའི
49a4 སངས་རྒྱས་དང་བྱང་ཆུབ་ཀྱི་སེམས་དང་། ང་ཉིད་སོ་སོ་མ་ཡིན་ཐ་མི་དད་པའི་ཕྱིར་རོ།། གང་ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱིས་ཀྱང་སྤྱི་བོ་ལ་བཀུར་བར་མཛད་ན།། གཞན་གྱིས་ལྟ་ཅི
49a5 སྨོས།། གསང་བ་འདིའི་དོན་མ་ནོར་བར་འཛིན་པའི་གང་ཟག་དམ་པ་དེ་ནི། སེམས་དཔའ་ཆེན་པོ་ད་ལྟ་ཁྱོད་ཉིད་དང་འདྲའོ།། ཞེས་སྨྲའོ།། དེའི་འབྲས་བུ་རྣམ་པར་སྨིན་པ་ནི། ཡང་དག་པར་རྫོགས་པའི་སངས་རྒྱས
49a6 དང་རིང་བ་མ་ཡིན་ནོ།། སེམས་དཔའ་ཆེན་པོ་དེར་ཡང་མ་ཟད་དེ། གསང་བའི་མདོ་འདིའི་ཆོས་ཀྱི་ཡི་གེ་འདི་གང་ན་གནས་པའི་ས་ཕྱོགས་དེ་ཉིད་ན་ཡང་། ང་གསང་བ་མཆོག་གི་བདག་པོ་བཞུགས་པ་ཡིན་པར
iiif viewer powered by OpenSeadragon
