| e-texts navigator |
| Wylie |
48b1 ལྡན་པ་རྣམས་ཀྱིས་རིམ་གྱིས་སྤྱོད་པར་འགྱུར་ཏེ། དེ་ཡང་ཆེད་འགའ་ནི་དར། ཆེད་འགའ་ནི་ནུབ། ཆེད་འགའ་ནི་མངོན་དུ་ཕྱུང་། ཆེད་འགའ་ནི་གབ་ཅིང་སྦས། ལ་ལས་ནི་ཚུལ་བཞིན་སྤྱད་ཅིང་སྔགས་ཀྱི་མཐུ
48b2 སྟོབས་ཀྱང་རྙེད། ཕལ་ཆེར་ནི་ཚུལ་འདྲ་ལོག་པར་སྤྱོད་པས་ལྟུང་བའི་གནས་སུ་འགྱུར།། འགྲོ་བ་ལ་ལ་ནི་དད། ལ་ལ་ནི་མ་དད་པར་གནས་པ་ལས། དུས་ལྔ་བརྒྱ་ཐ་མའི་ཚེ་དར་ཞིང་རྒྱས་པར་འགྱུར་རོ།། དེ་བཞིན
48b3 དུ་སངས་རྒྱས་སྤྲུལ་པའི་སྐུའི་བསྟན་པའི་བར་སྐབས་རྣམས་སུ་ཡང་གསང་བ་འདི་རྒྱས་པར་འགྱུར་རོ།། དེ་དག་ཚེ་ན་ཡང་གསང་བ་འདི་དང་འདྲ་བའི་ལོག་པའི་ལམ་སྟོན་པའི་ཆོས་སྟོན་པ་ཡང་མང་དུ་འབྱུང་སྟེ།།
48b4 འགྲོ་བ་དག་ཕལ་ཆེར་ནི་བདུད་ཀྱིས་བསྟན་པའི་ཆོས་དེ་ལ་དད་པར་འགྱུར་རོ།། སེམས་དཔའ་ཆེན་པོ་དེའི་ཚེ་དེའི་དུས་སུ་གསང་བའི་ཡི་གེ་འདི་དག་ལ་ནན་ཏན་དུ་བྱེད་ཅིང་། གཞན་ལ་འཆད་པ་དང་། ཉན་པ
48b5 དང་། ཚུལ་བཞིན་དུ་ཡིད་ལ་བྱེད་པ་དེ་ནི།། རྡོ་རྗེ་ཐེག་པའི་གཏིང་འཛུགས་ཤིང་། རྣལ་འབྱོར་དབང་ཕྱུག་གི་རྒྱུད་འཛིན་པའི་ངའི་སྲས་དམ་པར་བལྟའོ།། སེམས་དཔའ་ཆེན་པོ་ཁྱོད་ཀྱིས་ཀྱང་སྤྱན་དང་གྲོགས་པོ་ཉིད
48b6 དུ་བྱིན་གྱིས་རློབས་ཤིག། ཅེས་གསུངས་སོ།། དེ་ནས་ཡང་རྡོ་རྗེ་ཡིད་ཀུན་ཏུ་བཟང་པོས་ཡང་འདི་སྐད་ཅེས་གསོལ་བ་བཏབ་བོ།། བཅོམ་ལྡན་འདས་གསང་བ་འདི་ཉིད་མ་ནོར་བར་འཆད་ཅིང་སྟོན་པའི་རྡོ་རྗེ་སློབ
iiif viewer powered by OpenSeadragon
