| e-texts navigator |
| Wylie |
48a1 བའི་ཐེག་པ་འདིའི་སྣོད་དུ་མ་གྱུར་པའི་ཕྱིར་རོ།། དེ་བཞིན་དུ་སྔར་འདས་པའི་སངས་རྒྱས་བྱེ་བ་ཕྲག་བརྒྱད་ཅུ་རྩ་བཞིས་ཀྱང་གསང་བའི་ཐེག་པ་འདི་མ་བཤད་དོ།། སྔོན་བསྐལ་པ་ཐོག་མ་བསྐལ་པ
48a2 ཀུན་ཏུ་བཀོད་པ་ཞེས་བྱ་བ་བྱུང་བའི་ཚེ། སངས་རྒྱས་མངོན་འབྱུང་གི་རྒྱལ་པོ་ཞེས་བྱ་བ་དེའི་བསྟན་པ་ལ། གསང་བ་རྒྱ་ཆེར་གྲགས་ཏེ་ངེས་པའི་དོན་རྒྱ་ཆེར་སྤྱོད་དོ།། དེའི་ཚེ་འགྲོ་བ་རྣམས་གསང་བའི་ངེས་པའི་དོན
48a3 ལ་ཤིན་ཏུ་དད་པར་གྱུར་ཏེ། རྣམ་པར་གྲོལ་བའི་ལམ་ཆེན་པོ་ལ་བཀོད་དོ།། སེམས་དཔའ་ཆེན་པོ་ད་སྟེ་བསྐལ་བ་བྱེ་བ་འདས་པའི་འོག་ཏུ། བསྐལ་པ་མེ་ཏོག་བཀོད་པ་ཞེས་བྱ་བ་འབྱུང་བའི་ཚེ། སངས་རྒྱས་འཇམ
48a4 པའི་དབྱངས་ཞེས་བྱ་བ་ད་ལྟར་དང་ཚུལ་མཐུན་པ་ཞིག་འབྱུང་སྟེ། དེས་གསང་བ་རྒྱ་ཆེར་སྟོན་པར་འགྱུར་རོ།། གཞན་སངས་རྒྱས་གང་གིས་ཀྱང་། གསང་བའི་ངེས་དོན་སྟོན་པར་མི་འགྱུར་ཏེ། དེ་ཅིའི་ཕྱིར་ཞེ་ན།།
48a5 འགྲོ་བ་རྣམས་གསང་བ་ཆེན་པོ་འདིའི་སྣོད་དུ་མ་གྱུར་པའི་ཕྱིར་རོ།། སེམས་དཔའ་ཆེན་པོ་ད་ལྟ་ང་ཉིད་ཀྱི་བསྟན་པའི་གསང་བ་རྒྱ་ཆེན་པོ་འདི་དག་ཀྱང་། ཕྱི་མའི་དུས་ཕྱི་མའི་ཚེ་ན། འཛམ་བུའི་གླིང་དུ་སྤྱོད་པར
48a6 འགྱུར་ཏེ། དེར་སྐྱེས་པའི་རྒྱལ་པོ་ཛ་ཞེས་བྱ་བ་ཚོགས་བསགས་པ་ཞིག་གི་གནས་འཁོར་དུ། ཁྱོད་ཉིད་ཀྱིས་བསྡུས་པའི་དོན་འདི་དག་ཀྱང་།། གསུང་ཆོས་ཀྱི་གླེགས་བམ་དུ་སྣང་བར་འགྱུར་རོ།། དེར་སྐལ་བ་དང
iiif viewer powered by OpenSeadragon
