| e-texts navigator |
| Wylie |
47b1 འདུད་པས་ཕྱག་རྣལ་འབྱོར་གྱི་ཚུལ་དུ་བྱས་ནས། ཨ་ལ་ལ་ཧོ། ངོ་མཚར་རྨད་དུ་བྱུང་བའི་ཆོས་ཀྱི་དོན་འདི་བྱུང་ངོ་།། ཞེས་མགྲིན་གཅིག་ཏུ་བརྗོད་དོ།། དེ་ནས་རྡོ་རྗེ་ཡིད་ཀུན་ཏུ་བཟང་པོ་ཡང་རང་གི་སྟན་ལས
47b2 ལངས་ཏེ། བཅོམ་ལྡན་འདས་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་བ་བཏབ་བོ།། བཅོམ་ལྡན་འདས་གསང་བའི་མདོ་ཆེན་པོ་ལ་སྩོགས་པའི་གསང་བའི་ཐེག་པ་འདི་ད་ལྟ་ཉིད་ཁྱད་པར་དུ་གྱུར་པས
47b3 དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་ཀྱིས་འཁོར་གྱི་དཀྱིལ་འཁོར་དུ་འཆད་པར་སྤྱོད་ན།། གསང་བའི་ཐེག་པ་འདི་སྔར་འདས་པའི་སངས་རྒྱས་གང་གི་རིང་ལ་བཤད་པ་དང་། སླད་ཀྱི
47b4 ས་ཕྱོགས་གང་དུ་དད་པ་ཅན་གྱི་རྣལ་འབྱོར་པས་སྤྱོད་པར་འགྱུར་བ། བདག་ཅག་རྣམས་ལ་ལུང་བསྟན་དུ་གསོལ།། བདེ་བར་གཤེགས་པས་ལུང་བསྟན་དུ་གསོལ།། གསང་བ་མཆོག་གི་བདག་པོས་བཀའ་སྩལ་པ།།
47b5 སེམས་དཔའ་ཆེན་པོ་ཉོན་ཅིག། གསང་བའི་ཐེག་པ་འདི་འབྱུང་བ་ནི་ཤིན་ཏུ་ཡང་དཀོན་ཏེ། ཨུ་དུམ་བ་རའི་མེ་ཏོག་འཇིག་རྟེན་དུ་དཔེར་བརྗོད་པ་དང་འདྲའོ།། སེམས་དཔའ་ཆེན་པོ་གསང་བའི་ཐེག་པ་འདི་ནི་སྔོན
47b6 བྱུང་བའི་སངས་རྒྱས་འོད་སྲུངས་ཆེན་པོས། འབྲས་བུ་རྡོ་རྗེ་ཐེག་པའི་ཆོས་ཀྱི་འཁོར་ལོ་བསྐོར་བའི་ཚེ། དེའི་དུས་སུ་ཡང་གསང་བའི་ཐེག་པ་འདི་མ་བཤད་དོ།། དེ་ཅིའི་ཕྱིར་ཞེ་ན། དུས་དེའི་འགྲོ་བ་རྣམས་གསང
iiif viewer powered by OpenSeadragon
