| e-texts navigator |
| Wylie |
47a1 གནས་རྣམས་བཀའ་སྩལ་པ།། དམ་ཚིག་ཅེས་ནི་གང་ལ་བགྱི།། ཉམས་པ་གསོན་ཇི་ལྟར་ལགས།། རང་བཞིན་ཇི་ལྟར་འཚལ་བར་བགྱི།། གསང་བ་མཆོག་གི་བདག་པོས་བཀའ་སྩལ་པ།། དམ་ཚིག
47a2 དམ་ཚིག་ཅེས་བྱ་བ།། རྟོགས་པའི་ལྟ་བ་དམ་ཚིག་སྟེ།། དེ་ལས་འདས་ན་འཚིག་པར་བཤད།། ཆོས་ཉིད་མཉམ་པར་བློ་བཞག་ན།། གསོ་བའི་ཐབས་ནི་དེ་ལྟར་རོ།། ཉམས་པའི་ཆད་པ་བྱུང་བ་ན།། མགོན་སྐྱབས་དེ
47a3 ལས་གུད་ན་མེད།། མཉམ་ཉིད་དབྱིངས་ཀྱི་རང་བཞིན་དུ།། དམ་ཚིག་ཐམས་ཅད་གཅིག་པར་ནི།། བདེར་གཤེགས་རྒྱལ་བ་ཀུན་གྱིས་གསུངས།། ཡང་རྡོ་རྗེ་ཡིད་ཀུན་ཏུ་བཟང་པོས་གསོལ་པ།། རྡོ་རྗེ་ཐེག་པ་ཞེས
47a4 བགྱི་བ།། རྡོ་རྗེ་ཞེས་ནི་གང་ལ་བགྱི།། ཐེག་པ་ཆེན་པོ་ཇི་ལྟར་ལགས།། བདེ་བར་གཤེགས་པས་བཤད་དུ་གསོལ།། གསང་བ་མཆོག་གི་བདག་པོས་བཀའ་སྩལ་པ།། ཐེག་པ་ཆེན་པོའི་ཆེན་པོ་སྟེ།། གསང་བའི་ཐེག
47a5 པ་ཞེས་སུ་གྲགས།། རང་གི་ལུས་ངག་ཡིད་རྡོ་རྗེ།། ཆོས་སྐུ་རྡོ་རྗེ་མི་ཕྱེད་ཕྱིར།། རྡོ་རྗེ་ཞེས་སུ་བརྗོད་པ་ཡིན།། དེ་ཉིད་ཤེས་རབ་གསུམ་པོ་ཡིས།། རྟོགས་པར་བྱ་ཕྱིར་ཐེག་པར་བཤད།། ཅེས་བཀའ་སྩལ་པས།།
47a6 འདུས་པའི་འཁོར་ཚོགས་རྣམས་རབ་ཏུ་དགའ་བའི་ཡིད་ཀྱིས། བཅོམ་ལྡན་འདས་གསང་བ་མཆོག་གི་བདག་པོ་དང་། སྡུད་པ་པོ་རྡོ་རྗེ་ཡིད་ཀུན་ཏུ་བཟང་པོ་ལ། ལན་བརྒྱ་ཕྲག་སྟོང་དུ་བསྐོར་བ་བྱས་ཏེ། གཙུག་གིས
iiif viewer powered by OpenSeadragon
